Тилимиз ҳақида фикрингиз?

[Shokir Dolimov]

Сообщение от Kimsan Birov

Унда русча "ссылка" сщзини қандай таржима қиламиз?

Мисол учун, Ўзбекистон стандартлаштириш, метрология ва сертификатлаштириш агентлиги ҳужжатларида «ссылка» атамаси «ҳавола» деб қўлланилади. Мазмунан тўғри деб топаман.

[Masud Mahsudov]

Сообщение от Dolimov

Мисол учун, Ўзбекистон стандартлаштириш, метрология ва сертификатлаштириш агентлиги ҳужжатларида «ссылка» атамаси «ҳавола» деб қўлланилади. Мазмунан тўғри деб топаман.

Undan tashqari "bog'", "bog'lama" degan so'zlarni ham qo'llayapmiz. Kimsan aka o'ylagandek kambag'al emas tilimiz.

Shu bilan birga, men rus tilidan so'zlarni ko'plab kiritishimizga xayrixoh emasman. Mana, forslarni ko'ring, har qanday chetdan keladigan so'zga albatta bir so'z topishib, ishlatishadi...

[Shokir Dolimov]

Сообщение от Masud Mahsudov

men rus tilidan so'zlarni ko'plab kiritishimizga xayrixoh emasman.

Аммо баъзан иложсиз қоламиз. Шу боис, Омон аканинг:

Сообщение от OmoN

Лекин баъзи сўзларни ярим саҳифа қилиб таржима қилгандан кўра шундайлигича олиб қўйган маъқул.

фикри мақбул келади. Негаки, қурол-яроғ ва ўқ-дориларнинг айрим қисм ва механизмларини масалан: винт, газ (порох газлари), гильза, заряд (порох заряди), затвор, канал (ствол канали), капсюль, карабин, мушка, патрон, порох, пружина, ричаг, ствол, цапфа, шептало кабиларни чиндан ҳам шундайлигича олиб қўймасликдан бошқа чора йўқ. Акс ҳолда, таржима матни таржима эмас, узундан-узоқ изоҳ берилган, ўқувчи чалғиб кетадиган матнга айланиб кетади.

[Kimsan Birov]

Сообщение от Masud Mahsudov

Kimsan aka o'ylagandek kambag'al emas tilimiz

Мен тилимизни камбағал эмас, кўпроқ консерватив, юмшоқ эмас, деб ўйлайман. Янги сўзларни ўзлаштириш ва киритиш анчагина мушкул. Адабий асарларни ёзишда иш нисбатан осон кечади. Аммо илмий ва техник материалларда баъзи нарсаларни ёзиш ёки таржима қилишда тепа сочингиз тикка бўлади.

[Shokir Dolimov]

Сообщение от Kimsan Birov

Ҳарбийлар орасида ҳам бироз қийинчиликлар бўлса керак.

Агар менга қўйиб беришса, мудофаа ва хавфсизлик соҳасидаги айрим қонунлар, меъёрий-ҳуқуқий ва бошқа расмий ҳужжатлар матнини режали равишда, уларнинг мазмунини ўзгартириб юбормаган тарзда қайтадан тайёрлаб, тақдим этган бўлар эдим. Негаки, ушбу ҳужжатларни тайёрлаган мансабдор шахслар баъзи атамаларнинг талқинига мисол учун, қўшинлар гуруҳи (группа войск) ва қўшинлар туркуми (группировка войск), ички, ҳудудий ва нейтрал сувлар, «ҳарбий хизматга мажбур» (военнообязанный) каби атамалар талқинига ёки ушбу атамалар талқини ўртасидаги тафовутга талаб даражасида эътибор қаратмаган (ёхуд бехабар). Бироқ, республикамиз эндигина мустақилликка эришган бўлиб, мулоҳаза юритилаётган соҳага оид ҳужжатлар тайёрланган даврда давлат тилидаги ҳарбий атамалар ҳали пухта шаклланмаганлиги, деярли бўлмаганлигини инобатга оладиган бўлсак, кўп қийналган ўша кишилар олдида бош эгишга тайёрман.

[Shokir Dolimov]

Сообщение от Kimsan Birov

Масалан, бир асарда қизни Белочка деб номлашдию изоҳида ҳайвон номидан эмас, рангдан келиб чиқиб шундай номлашган дейилса, нима қиламиз?

Хотин-қизларимиз орасида Олмахон исмлилари ҳам борлиги эсимга тушиб қолди. Умид қиламанки, уларнинг исмлари жуда мазали ва темир моддасига бой, организмга фойдали мева номидан олинган .

[Kimsan Birov]

Сообщение от Dolimov

Хотин-қизларимиз орасида Олмахон исмлилари ҳам борлиги эсимга тушиб қолди. Умид қиламанки, уларнинг исмлари жуда мазали ва темир моддасига бой, организмга фойдали мева номидан олинган

Хон қўшимчаси ҳақиқатан ҳам кўпинча қизларимизга эркалаш маъносида (худди эркакларга жон қўшимчаси сингари) қўшилиб, кўпинча исмига сингиб кетади ва ҳужжатларга ҳам шундай киритилади. Шундай экан гапингизга тўлиқ қўшилишдан ўзга илож йўқ.

[Bakhtiyor aka]

Сообщение от Kimsan Birov

бир асарда қизни Белочка деб номлашдию изоҳида ҳайвон номидан

Менимча, Белочка хақида гапирганда "хайвон" (зверь) десак тўғри бўлмайди, рус тилида хам "белочка - животное" деб юритилади, яъни Олмохон - "жонивор" ёки "жонзот" бўлса керак.

Узр, Олмохон деган қизни эмас-ку, лекин жониворни эхши кўраман, жудаям беозор жонзот.

[Kimsan Birov]

Сообщение от Bakhtiyor aka

Менимча, Белочка хақида гапирганда "хайвон" (зверь) десак тўғри бўлмайди, рус тилида хам "белочка - животное" деб юритилади, яъни Олмохон - "жонивор" ёки "жонзот" бўлса керак.

Олмахон ҳайвонни мен ҳам жуда хуш кўраман. Аммо юқоридаги мисолда айтмоқчи эдимки, эртакларда ҳар исм маъносига ҳам эътибор қаратишади, худди Золушка сигари. Шунда оппоққина қиз туғилса, унинг исмини Белочка (рус тилида) деб қўйди дейишлари мумкин. Бунда Олмахон деб эмас, Оппоғой (ёки Оппоқой) деб таржима қилиш тўғрироқ бўлса керак

[Shokir Dolimov]

Сообщение от Bakhtiyor aka

Узр, Олмохон деган қизни эмас-ку, лекин жониворни эхши кўраман, жудаям беозор жонзот.

Сиз «Жонли бурчакда» ғилдиракли катакка қамаб боқиладиган олмахонни яхши кўриб қолган бўлсангиз керак . АҚШда эса аксинча, жуда безор бўлишган. Айниқса, уйи ўрмонга яқинроқ бўлган фуқаролар улардан жуда безиллаган. Одамдан ҳайиқмай юрган ёввойи олмахонларнинг йириклигини кўриб ҳайрон қолган эдим.