Синфдошлар учрашуви сценарийсини тузишда ёрдам керак

[Husen]

Ҳурматли форумдошлар!
Салкам 1 ойдан сўнг ота-онамнинг синфдошларининг 40 йиллик учрашуви бўлиб ўтади. Ушбу тадбирни синфдошлар шунчаки, ўйин-кулгу ва зиёфат тарзида эмас, аксинча умрларининг охирларига қадар ёдда қоладиган даражада юксак савияда ўтказишни ният қилишмоқда. Бу учун эса албатта тадбирга мос пухта ва қизиқарли сценарий тузиш керак. Ушбу шарафли ва масъуилятли иш менга ишониб юкланмоқда.Ушбу ишончни муносиб оқлаш учун эса камина сизлардан маслаҳат ва ёрдам сўрамоқчиман.
Хўш, синфдошлар учрашувини қизиқарли ўтказиш учун қандай йўл-йўриқлар ва тавсиялар берасиз? Синфдошларга бағишланган шеърлар, монологлар ва турли кўнгилочар лойиҳаларни ҳам ўртоқлашсангиз янада яхши бўларди.

Барчангизга ҳурмат билан Ҳусен

[OmoN]

Сообщение от Husen

Синфдошларга бағишланган шеърлар, монологлар ва турли кўнгилочар лойиҳаларни ҳам ўртоқлашсангиз янада яхши бўларди.

Ҳар хил викториналар ўтказса бўлади. Масалан синфхонадаги ихтиёрий жойни кўрсатиб шу партада биринчи (иккинчи, учинчи, ...) синфда ким ўтирган? Ёки бошланғич синфлардаги расмлари сақланиб қолган бўлса шу расм қачон олинган, биринчи қатор чапдан учинчи ким, ... Ўқиш китобидаги фалон шеър кимнинг эсида қолган? Ёки ўқиш китобидан бир ҳикояни ўқиб, қолганини битирувчилардан сўраш мумкин. Лотерея уюштириш мумкин. Ютуққа ўқувчилик давридан сақланиб қолган буюмлар қўйган маъқул (масалан мен учун бундан қимматлироқ ютуқ йўқ). Бунинг учун аввал ҳаммадан ўша пайтдан сақланиб қолган буюмларни йиғиш керак бўлади. Бош совринга мактаб архивидан синф журналини олишнинг иложу бўлса зўр бўлади (адашмасам архив ҳужжатлари 25 йилгача сақланиши керак).
Неварали одамларнинг синфдошлар учрашувида биринчи муҳаббат мавзусига тегмаган маъқул
ПС: Эҳ, шу каллам билан режиссёр бўлганимда борми... Қўшимча маълумот учун хабар остидаги имзога қаралсин

[Nargiza Saidova]

Учрашув учун мос жойни танлашдан бошлаш керак. Хонадон ёки кафе эмас, балки бирга укиган мактабларини битта экскурсия килишлари мумкин. Агар эринмасангиз винеткаларидаги расмларни катталаштириб банер холида осиб куйиш мумкин...агар мактаб архивидан уша даврда ёзган иншолар (хамма зардику келажакда ким булиши хакида) топиб учрашувда укиб беролсангиз высший пилотаж.

[barlos]

Сообщение от Nargiza Saidova

Учрашув учун мос жойни танлашдан бошлаш керак.

Энг мақбул вариант - истироҳат боғи. Ҳар ким турли жойлардан 1-2 соат фарқи билан келади. Боғ (парк)да скамейкалар бор, бу эса кутиб олувчиларга анча қулайлик туғдиради.
Видеостудиянинг "зўр"идан танлаш керак, фотокнига қилинса жуда чиройли чиқади. Диққатга сазовор жойларда албатта, бўлиш керак. Бу унутилмас хотира бўлиб қолади.

[Abdurohman]

Ёки дом оддыхларда утказза хам булади.

[OmoN]

Сообщение от Nargiza Saidova

Учрашув учун мос жойни танлашдан бошлаш керак.

Қаер танлангандаям барибир мактабдан бошлаш керак.

[Husen]

Сообщение от Nargiza Saidova

балки бирга укиган мактабларини битта экскурсия килишлари мумкин.

Сообщение от OmoN

Қаер танлангандаям барибир мактабдан бошлаш керак.

Афсуски, ўша мактаб бузилиб кетган! Ўрнида турар жойлар қад ростлаган. Уларнинг биринчи синф рахбари хозирда Коракулдаги ўша машҳур мактаб-интернатнинг директори эканлигини инобатга олганда, ўша муассасадаги синф хоналаридан бирига жамланишади. 35 йиллик учрашувда шунақа қилишган эди.

Сообщение от Abdurohman

Ёки дом оддыхларда утказза хам булади.

Қоракўлда бунақа жой бўлмаса керак.

[Maestro]

Сообщение от Husen

Ушбу шарафли ва масъуилятли иш менга ишониб юкланмоқда.Ушбу ишончни муносиб оқлаш учун эса камина сизлардан маслаҳат ва ёрдам сўрамоқчиман.

Сообщение от OmoN

расмлари сақланиб қолган бўлса

Рахимжон ака ёки Иброҳим ака каби кўп йиллик "синфдошлик стажига" эга бўлмасам ҳам, мактабни тугатганимга 22 йил бўлди...
Шундан келиб чиқиб айтадиган бўлсам, ҳеч қанақа боғ-роғлар, умбара-қаср данғир-дунғурлар керак эмас.
Хуллас, менинг таклифим бундоқ:
1. Рўйхатни аниқлаб (синфдошлар + меҳмонлар), мўъжазгина кафени кундуз соат 12ларга гаплашасиз. Максимум 50 одам бўлса керак, шунинг учун ҳайҳотдек тўйхонани (текин бўлса ҳам) гаплашиш керак эмас (роса бефайз чиқади).
2. Артист зоти умуман керакмас, колонкалар билан битта яхши двд диск бўлса бўлди (фоновый мусиқа учун). Ҳеч ким гурсиллаб рақсга тушмайди барибир (дийдор ғанимат). Лекин синфдошлар орасида бу учрашувни "даҳшат" қилиб ўтказмоқчи ва ҳаражатларга туриб берувчилар бўлса - Шерали Жўраевни олиб келишни таклиф қилинг, балки маъқул топишар ;-).
3. Кульминацион нуқтани айнан Сиз туҳфа қиласиз. Барча сақланиб қолган суратларни компьда обработка қилиб, 15 минутларга етадиган слайд-шоу тайёрлайсиз (повер поинтда). Фоновый мусиқа 2 та - "Ёдингдами ёшлигимиз..." (Шерали Жўраев) ва "Болалигим, сени соғиндим" (Ю.Усмонова). Проекторни арендага ўзингиз топасиз (менга 1 соатга экрани билан 25 мингга беришган).
4. Ана шу слайд шоу ва учрашув суратларини шу ернинг узида биттадан дискка тушириб, кетишаётганда қўлларига тутказиб юборасиз (жазоси пишущий ромли ноутбук билан бир пачка "болванка"). Қарабсизки, Сиздан зўр ташкилотчи йўқ!
5. Викторина ва турли конкурслар шартмас, бу Сизга битирув кечасидаги 15 ёшли болакайлармас. Салкам 60 чиққан одамлар, худога шукурки, биздан анча супороқ бўлишади. Тағинам ўзингиз биласиз....

[Colorado]

Сообщение от Maestro

Рахимжон ака ёки Иброҳим ака каби кўп йиллик "синфдошлик стажига" эга бўлмасам ҳам,

Хамма гапларингизга қушиламан. Фақат Шерали урнига Камолиддин Рахимовни таклиф қилинса зўр бўлади

"Дахо" таклифларига қушимча.
Яқинда Май Ташкент сайтини 6 йиллигида қатнашдик, мендан бошқа, кўпчилик старперлар.
1Аёлларга мана шундай шакалант совға қилинди, 2 эркакларга конвертда ёзган постларидан нусха, 3 ва 4 ЕС ва сайт техник бошқарувчи Азимга майка кегизиб, хамма афтограф қолдирди,5 кеча охирида расмга тушилди.

Директорга, футболка урнига оқ яхтак билан белвоқ, бобойларга принтер ёзувли футболка, ва хоказо. Мисол тариқасида келтирдим, бу ёғи сизни фантазиянгиз. Хусниддин Атони ва OmoN ни ишга соласиз, расмчи ва дизайнни қоиллашади :-O

[Bekmirzo]

Сообщение от Maestro

...
3. Кульминацион нуқтани айнан Сиз туҳфа қиласиз. Барча сақланиб қолган суратларни компьда обработка қилиб, 15 минутларга етадиган слайд-шоу тайёрлайсиз (повер поинтда). Фоновый мусиқа 2 та - "Ёдингдами ёшлигимиз..." (Шерали Жўраев) ва "Болалигим, сени соғиндим" (Ю.Усмонова). Проекторни арендага ўзингиз топасиз (менга 1 соатга экрани билан 25 мингга беришган).

...

Ushbu kulminatsion lahzalarni yana bir pog'ona yuqori darajaga chiqarish mumkin:
Husen, agar vaqtingiz yetarli bo'lsa, 4-5 minutlik videoklip tayyorlasangiz bo'ladi. Videoklipda yuboleyni nishonlaydigan sinfdoshlarning maktabning oxirgi sinflardagi davrini tasvirlab berasiz. Masalan, biror dars jarayoni, darsdan stadionga (futbol, voleybol), mevazorga (olmazor yoki uzumzor), kinoklub (hind kinosini kurishadi) kabi joylarga qochib ketish va hokazo...
Dars jarayoni uchun ota-onangiz maktabda uqigan paytda hali nisbatan yosh bo'lgan o'qituvchilardan birortasini topish kerak bo'ladi. O'quvchilarni esa yubileychilarning farzandlari o'ynab berishadi (Voo bo'ladi-da).
Agar sinfdoshlar orasida turmush qurgan yigit-qiz bo'lsa (masalan, sizning ota-onangiz), videoga shuni ham kiritib o'tsa bo'ladi.

Qisqacha aytganda, bu loyiha uchun kamida 2-3 kun vaqt kerak bo'ladi.



PS: Tesha tegmagan takliflardan ko'proq va batafsilroq eshitaman, desangiz, forumdoshlarni mundoq biror yerga choyxo'rlikka chaqiring