Jahon xalqlari maqollari

[AbdulAziz]

• Toza vijdondan ko‘ra yumshoq yostiq yo‘q.
• Ayol ― xudoning go‘zal ne’mati, agar uni shayton totib qo‘ymagan bo‘lsa.
• Sirkadan ko‘ra asalning atrofida pashsha ko‘p bo‘ladi.
• Cherkovga emas, xudoga yaqin bo‘l.
• Yigirma yoshli qizni yigitlardan asragandan ko‘ra sichqonni mushukdan asragan osonroq.
• O’lim sevgini qo‘rqitmaydi.
• Faqatgina ahmoq o‘z fikrini o‘zgartirmaydi.
• Shoirlar qishloqda tug‘ilib, Parijda vafot etadilar.
• Xudo uch toifaga yordam beradi: bolalarga, jinnilarga va mastlarga.
• Bandasidan emas, Xudodan tila.
• G’azab ― do‘st ham emas, maslahatchi ham emas.
• Urushqoq xo‘roz semiz bo‘lmaydi.
• Shayton uxlamaydi.

Fransuz xalq maqollari (119 ta)

Fransuzlar — Fransiyaning asosiy aholisi (50 mln.ga yaqin kishi 2004). Shuningdek, Shveytsariyada (1,341 mln. kishi), Fransuz Polineziyasi, Kot d'Ivuar, Gabon, Niger, Chadda yashaydilar. Kanadada franko-kanadaliklar etnik guruhi mavjud bo‘lib, uning tarkibiga, kvebeklar (7,5 mln. kishi) va akadlar (500 ming kishi) kiradi. AQShda 6,2 mln. kishi frantsuz avlodlari hisoblanadi. Frantsuz tilida so‘zlashadi. Dindorlari katoliklar, protestant (kalvinistlar)i ham bor.

[мафтун]

Сообщение от AbdulAziz

AQShda 6,2 mln. kishi frantsuz avlodlari hisoblanadi. Frantsuz tilida so‘zlashadi.

Фаранг деса, тўғри (ҳам қулай) бўлади шек.

[AbdulAziz]

• O‘zga yurtni ko‘rmaguncha, o‘z yurtingning go‘zalligini his etolmaysan.
• Dushmaning sichqondek tuyulsa-da, senda sherning kuchi bo‘lsin.
• So‘z tosh emas, lekin boshni yoradi.
• Dangasaning doim vaqti yo‘q.
• Odam guldan nozik, toshdan qattiq.
• Laylini ko‘rish uchun Majnunning ko‘zi kerak.
• Quloq ko‘zdan avval sevadi.
• Och itga suyak tashlasang, to‘q it ham angillaydi.
• Bahorda yeyilgan nonning kekirigi kuzda chiqadi.
• Kuyov farzand bo‘lmaydi, kuldan devor bo‘lmaydi.
• Qozon bir dumalab qopqog‘ini topdi.
• Qarindoshlik bir soatlik quvonch va bir kunlik qayg‘uda bilinadi.

Uyg'ur xalq maqollari (60 ta)

Uyg‘urlar ― Sharqiy Turkiston ― Xitoyning Sintszyan-Uyg‘ur muxtor rayonining tub joy aholisi. Umumiy soni 10 mln. kishiga yaqin. Ular Xitoyda (taxminan 9 mln.), Qozog‘iston (225 ming, 2009), Qirg‘iziston (60 ming), O‘zbekiston (50 ming), Turkiya (40 ming), Saudiya Arabistoni (30 ming), shuningdek, Hindiston, Afg‘oniston va Pokistonda yashaydi. Uyg‘ur tilida so‘zlashadi. Dindorlari, asosan, sunniy musulmonlar.

[Tulqin Eshbekov]

Тил билган - эл билади!

[AbdulAziz]

• Mahmadonalik ― foydasiz, kamgaplik ― zarar emas.
• Ertaning moyidan bugunning choyi afzal.
• Dangasalikdan ― maqtanchoqlik, ochko‘zlikdan ― o‘g‘rilik.
• Tuya butani yesa echki ajablanarkan, echki qoyaga chiqsa tuya hayratlanarkan.
• Ko‘ngilchanlikni jazolab bo‘lmaydi.
• Bo‘rini podani asrashga qo‘yma, cho‘michni ochko‘zga berma.
• Haqiqatdan afzal so‘z yo‘q.
• Badgumonlikdan kasallanadilar, umiddan tuzaladilar.

Tuva xalq maqollari (64 ta)

Tuvalar (o‘zlarini tiva, soyot va uryaxaylar deb ataydilar), Rossiyadagi turkiy xalq. Tuvining tub xalqi (235,3 ming kishi, 2002). Rossiya Federatsiyasidagi umumiy soni – 243 ming kishi (2002). Shuningdek Mongoliya (25 ming), Shinjon (3 ming)da yashaydilar. Tuvalarning umumiy soni – 270 ming kishi. Tuva tilida so‘zlashadi. Dindorlari — lamachilar.

[Tulqin Eshbekov]

Сообщение от AbdulAziz

Kuyov farzand bo‘lmaydi, kuldan devor bo‘lmaydi.

Бу мақол жаҳоннинг қайси давлати, халқига тегишли экан? (Илтимос, уни қайси манбадан кўчирганингизни кўрсатсангиз).

[AbdulAziz]

Сообщение от Tulqin Eshbekov

Бу мақол жаҳоннинг қайси давлати, халқига тегишли экан? (Илтимос, уни қайси манбадан кўчирганингизни кўрсатсангиз).

Domla, maqolning qaysi xalqqa tegishli ekanligi o'sha postda ko'rsatilgan:

• Kuyov farzand bo‘lmaydi, kuldan devor bo‘lmaydi.
• Qozon bir dumalab qopqog‘ini topdi.
• Qarindoshlik bir soatlik quvonch va bir kunlik qayg‘uda bilinadi.

Uyg'ur xalq maqollari (60 ta)

Ushbu maqollar http://sayings.ru/ saytidan olinib, tarjima qilingan.

[мафтун]

Сообщение от Tulqin Eshbekov

Иқтибос:
AbdulAziz дан хабар
Kuyov farzand bo‘lmaydi, kuldan devor bo‘lmaydi.
Бу мақол жаҳоннинг қайси давлати, халқига тегишли экан? (Илтимос, уни қайси манбадан кўчирганингизни кўрсатсангиз).

Домла, Сизнинг "безовта"лигингизни тўғри тушуняпман, аммо ҳақиқат ҳар қачон аччиқ бўлади.

Сизга битта ўхшатиш: етим бола асрасанг, оғзи бурнинг қон этар, деган мақолга ўхшар экан-да.
Бу мақолнинг манбасини биласиз албатта...

[Hero]

Сообщение от Tulqin Eshbekov

Kuyov farzand bo‘lmaydi, kuldan devor bo‘lmaydi.

Nima uchun aynan shu maqol sizni o'ziga qaratdi

[Tulqin Eshbekov]

Сообщение от Hero

Nima uchun aynan shu maqol sizni o'ziga qaratdi

Ўзим учун ибрат бўлган ўз оиламдан келиб чиқиб айтадиган бўлсам, отам ва қайнотам ўз қайноналарига муносиб куёв бўлганларини яхши биламан. Бу катта ҳаёт мактаби мени учун! Ўзим ҳам худди шундай муносиб куёв бўлишга интиламан ва азиз қайнонам каминани ўғилларидан кўпроқ яхши кўришини ҳис этиб яшайман, бундан жуда бахтиёрман. Айни пайтда куёвим ҳам мен учун ўғилларим қатори эъзозда!
Бундай бахтли куёвлар ва қайнота-қайноналар жуда кўп, худога шукр! Шундай кезда кимдир "куёв - ёв" қабилида бўлмағур гап айтса дилим ранжийди...
Куёвни пайғамбарлар сийлабди, деган ақидага амал қилейлу, дейман-де.