LexUz – Ўзбекистон Республикаси Қонун ҳужжатлари маълумотлари миллий базаси

[Bahodirjon]

Assalom aleykum Shuhrat aka, aka manga "O`zbekiston Respublikasi mulkni baholash milliy standartlari" (MBMS) ni 1, 2, 3, 4, 5 sonlarini o`zbek tilidagisi kerak edi, 6-dan 10-gachasini Lex.uzdan tortib oldim ancha foydasi tegyapti katta rahmat, qolganini ham olishga yordam bersangiz.

[Shukhrat Yaminov]

Ўзбекистон Республикаси қонун ҳужжатлари тўплами,
48-сон (392) 30 ноябрь (21.11 - 26.10.2009)
2009 йил 28 ноябрда босишга рухсат этилган

Мундарижа
Учинчи бўлим
514. «Хайратон ва Мозори Шариф ўртасидаги темир йўл линиясини лойиҳалаштириш, қуриш, ўрнатиш ва фойдаланишга топшириш» лойиҳасини амалга ошириш чора-тадбирлари тўғрисида» Ўзбекистон Республикаси Вазирлар Маҳкамасининг 2009 йил 20 ноябрдаги 298-сон қарори

Бешинчи бўлим

515. «Штамплаш ишлаб чиқариши ходимлари учун меҳнатни муҳофаза қилиш қоидаларини тасдиқлаш ҳақида» Ўзбекистон Республикаси меҳнат ва аҳолини ижтимоий муҳофаза қилиш вазирининг 2009 йил 28 октябрдаги 63-Б-сонли буйруғи (Ўзбекистон Республикаси Адлия вазирлиги томонидан 2009 йил 24 ноябрда рўйхатдан ўтказилди, рўйхат рақами 2046)
516. «Иссиқлик изоляция материаллари ишлаб чиқариш ходимлари учун меҳнатни муҳофаза қилиш қоидаларини тасдиқлаш ҳақида» Ўзбекистон Республикаси меҳнат ва аҳолини ижтимоий муҳофаза қилиш вазирининг 2009 йил 7 октябрдаги 61-Б-сонли буйруғи. (Ўзбекистон Республикаси Адлия вазирлиги томонидан 2009 йил 24 ноябрда рўйхатдан ўтказилди, рўйхат рақами 2047)
517. «Матбаачилик ишлаб чиқариши ходимлари учун меҳнатни муҳофаза қилиш қоидаларини тасдиқлаш ҳақида» Ўзбекистон Республикаси меҳнат ва аҳолини ижтимоий муҳофаза қилиш вазирининг 2009 йил 28 октябрдаги 64-Б-сонли буйруғи. (Ўзбекистон Республикаси Адлия вазирлиги томонидан 2009 йил 24 ноябрда рўйхатдан ўтказилди, рўйхат рақами 2048)
518. «Қимматли қоғозлар бозори профессионал иштирокчисининг ички назорати тўғрисидаги низомга ўзгартиришлар киритиш ҳақида» Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2009 йил 16 ноябрдаги 2009-44-сонли буйруғи. (Ўзбекистон Республикаси Адлия вазирлиги томонидан 2009 йил 24 ноябрда рўйхатдан ўтказилди, рўйхат рақами 1899-2)
519. «Ўзбекистон Республикаси самовий ҳудудида «Фуқаро ва экспериментал авиациясининг парвоз қилиш қоидалари» (ЎзР АҚ-91)га ўзгартиришлар киритиш ҳақида» Ўзбекистон Республикаси парвозлар хавфсизлигини назорат қилиш давлат инспекцияси бошлиғининг 2009 йил 9 ноябрдаги 118-сонли буйруғи. (Ўзбекистон Республикаси Адлия вазирлиги томонидан 2009 йил 24 ноябрда рўйхатдан ўтказилди, рўйхат рақами 1723-1)
520. «Энг қулай режим яратган ҳолда савдо-иқтисодий ҳамкорлик тўғрисидаги битимлар имзоланган мамлакатлар рўйхатига қўшимча киритиш ҳақида» Ўзбекистон Республикаси Ташқи иқтисодий алоқалар, инвестициялар ва савдо вазирлиги, Молия вазирлиги, Давлат божхона қўмитасининг 2009 йил 16 ноябрдаги ЭГ-01/10-7262, 109, 01-02/18-28-сонли қарори. (Ўзбекистон Республикаси Адлия вазирлиги томонидан 2009 йил 24 ноябрда рўйхатдан ўтказилди, рўйхат рақами 426-6)
521. «Ўзбекистон Республикаси Президентининг 2009 йил 16 ноябрдаги ПФ–4152-сонли «Иш ҳақи, пенсиялар, стипендиялар ва ижтимоий нафақалар миқдорини ошириш тўғрисида»ги Фармони бўйича пенсияларни қайта ҳисоблаш тартиби тўғрисидаги низомни тасдиқлаш ҳақида» Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Молия вазирлигининг 2009 йил 24 ноябрдаги 72, 113-сонли қарори. (Ўзбекистон Республикаси Адлия вазирлиги томонидан 2009 йил 26 ноябрда рўйхатдан ўтказилди, рўйхат рақами 2049)

[Shukhrat Yaminov]

Сообщение от Bahodirjon

Assalom aleykum Shuhrat aka, aka manga "O`zbekiston Respublikasi mulkni baholash milliy standartlari" (MBMS) ni 1, 2, 3, 4, 5 sonlarini o`zbek tilidagisi kerak edi, 6-dan 10-gachasini Lex.uzdan tortib oldim ancha foydasi tegyapti katta rahmat, qolganini ham olishga yordam bersangiz.

Ушбу стандартларнинг 1 дан 5 сонларининг иловалари фақат рус тилида эълон қилинган. Lex.uz тизими қоидаларига кўра ҳужжатнинг расмий таржимаси бўлмаса у фақат бир тилда эълон қилинади. Биз таржима қилмаймиз.
Қуйида шу сонларнинг рус тилидаги вариантлари келтирилган.

[Shukhrat Yaminov]

Ўзбекистон Республикаси қонун ҳужжатлари тўплами,
49-сон (393) 9 декабрь (28.11 - 04.12.2009)
2009 йил 5 декабрда босишга рухсат этилган

Мундарижа
Иккинчи бўлим
522. «Саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштиришни чуқурлаштиришга доир қўшимча чора-тадбирлар тўғрисида» Ўзбекистон Республикаси Президентининг 2009 йил 1 декабрдаги ПҚ–1236-сон қарори
Учинчи бўлим
523. «Ўзбекистон Республикаси Вазирлар Маҳкамасининг ахборот-таҳлил департаментлари ҳамда Ҳуқуқий экспертиза ва халқаро шартномалар бошқармаси тўғрисидаги низомларни тасдиқлаш ҳақида» Ўзбекистон Республикаси Вазирлар Маҳкамасининг 2009 йил 26 ноябрдаги 302-сон қарори
524. «Ўзбекистон Республикасида футболни ривожлантиришни давлат томонидан янада қўллаб-қувватлаш чора-тадбирлари тўғрисида» Ўзбекистон Республикаси Вазирлар Маҳкамасининг 2009 йил 3 декабрдаги 304-сон қарори
Бешинчи бўлим
526. «Дарсликлар ва ўқув-методик қўлланмалар харид қилиш юзасидан танлов савдолари ўтказиш тартиби тўғрисидаги низомнинг 2-бандига ўзгартириш ва қўшимча киритиш ҳақида» Ўзбекистон Республикаси Халқ таълими вазирлиги, Олий ва ўрта махсус таълим вазирлиги Ўрта махсус, касб-ҳунар таълими марказининг 2009 йил 19 ноябрдаги 50, 44 /ҚҚ-сонли қарори. (Ўзбекистон Республикаси Адлия вазирлиги томонидан 2009 йил 1 декабрда рўйхатдан ўтказилди, рўйхат рақами 1943-1)
527. «Ўрмон хўжалиги ишлаб чиқаришларида махсус кийим, махсус пойабзал ва бошқа якка тартибда ҳимояланиш воситаларини бепул беришнинг Намунавий меъёрларини тасдиқлаш ҳақида» Ўзбекистон Республикаси меҳнат ва аҳолини ижтимоий муҳофаза қилиш вазирининг 2009 йил 23 ноябрдаги 70-Б-сонли буйруғи. (Ўзбекистон Республикаси Адлия вазирлиги томонидан 2009 йил 2 декабрда рўйхатдан ўтказилди, рўйхат рақами 2051)
528. «Тендер ва танлов савдоларини эълон қилиш ва ўтказишда мамлакатимиз ишлаб чиқарувчиларига преференциялар берилиши мониторингини амалга ошириш тартиби тўғрисидаги низомни тасдиқлаш ҳақида» Ўзбекистон Республикаси Иқтисодиёт вазирлиги, Молия вазирлиги, Давлат архитектура ва қурилиш қўмитасининг 2009 йил 2 ноябрдаги 89, 105, 7-сонли қарори. (Ўзбекистон Республикаси Адлия вазирлиги томонидан 2009 йил 2 декабрда рўйхатдан ўтказилди, рўйхат рақами 2052)

[OmoN]

Оффтоп:

Сообщение от Shukhrat Yaminov

Ушбу стандартларнинг 1 дан 5 сонларининг иловалари фақат рус тилида эълон қилинган. Lex.uz тизими қоидаларига кўра ҳужжатнинг расмий таржимаси бўлмаса у фақат бир тилда эълон қилинади.

Оффтоп учун узр. Демак бизда ҳужжатлар аввал рус тилида қабул қилиниб кейин таржима қилинар эканда... Мен эса аҳмоқ бўлиб ўзбек тилини ҳалигача ўрганмаган руслардан ҳафа бўлиб юрибман.

[Shukhrat Yaminov]

Ўзбекистон Республикаси қонун ҳужжатлари тўплами,
50-51-сон (394-395) 21 декабрь (05.12 - 18.12.2009)
2009 йил 19 декабрда босишга рухсат этилган
Мундарижа
Иккинчи бўлим
529. «Ўзбекистон Республикасининг Маъмурий жавобгарлик тўғрисидаги кодексига қўшимчалар киритиш ҳақида» Ўзбекистон Республикасининг 2009 йил 15 декабрдаги ЎРҚ–230-сон Қонуни
530. «Ўзбекистон Республикаси Табиатни муҳофаза қилиш давлат қўмитаси тўғрисидаги низомга ўзгартиш ва қўшимчалар киритиш ҳақида» Ўзбекистон Республикасининг 2009 йил 15 декабрдаги ЎРҚ–231-сон Қонуни
531. «Қимматли қоғозлар бозори тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида» Ўзбекистон Республикасининг 2009 йил 15 декабрдаги ЎРҚ–232-сон Қонуни
532. «Ўзбекистон Республикаси Вазирлар Маҳкамаси тўғрисида»ги Ўзбекистон Республикаси Қонунининг 6-моддасига ўзгартишлар киритиш ҳақида» Ўзбекистон Республикасининг 2009 йил 16 декабрдаги ЎРҚ–233-сон Қонуни
533. «Ўзбекистон Республикаси билан Туркманистон ўртасида озодликдан маҳрум этишга ҳукм қилинган шахсларни жазони ўташни давом эттириш учун топшириш тўғрисидаги Шартномани (Тошкент, 2009 йил 25 февраль) ратификация қилиш ҳақида» Ўзбекистон Республикасининг 2009 йил 17 декабрдаги ЎРҚ–234-сон Қонуни
534. «Ўзбекистон Республикасининг Фахрий ёрлиғи тўғрисидаги низомни ва Ўзбекистон Республикасининг Фахрий ёрлиғи тавсифини тасдиқлаш ҳақида» Ўзбекистон Республикасининг 2009 йил 17 декабрдаги ЎРҚ–235-сон Қонуни
Учинчи бўлим
536. «Ўзбекистон Республикаси Адвокатлар палатасининг моддий-техника базасини мустаҳкамлашга доир қўшимча чора-тадбирлар тўғрисида» Ўзбекистон Республикаси Вазирлар Маҳкамасининг 2009 йил 9 декабрдаги 308-сон қарори
537. «Ўзбекистон Республикаси ҳудудида пиротехника воситалари айланишини тартибга солиш чора-тадбирлари тўғрисида» Ўзбекистон Республикаси Вазирлар Маҳкамасининг 2009 йил 10 декабрдаги 309-сон қарори
538. «2010 — 2012 йилларда Қўқон шаҳрининг саноат салоҳиятини ривожлантириш, ишлаб чиқаришни модернизациялаш ва маҳаллийлаштириш лойиҳаларини амалга ошириш чора-тадбирлари дастури тўғрисида» Ўзбекистон Республикаси Вазирлар Маҳкамасининг 2009 йил 11 декабрдаги 310-сон қарори
539. «2010 — 2012 йилларда Қўқон шаҳрида кичик бизнес ва хусусий тадбиркорликни ривожлантириш чора-тадбирлари дастури тўғрисида» Ўзбекистон Республикаси Вазирлар Маҳкамасининг 2009 йил 11 декабрдаги 311-сон қарори
540. «Ўқув машғулотлари ўтказганлик учун меҳнатга соатбай ҳақ тўлаш миқдорлари тўғрисида» Ўзбекистон Республикаси Вазирлар Маҳкамасининг 2009 йил 11 декабрдаги 312-сон қарори
541. «Тошкент шаҳрида Нагоя университетининг ваколатхонаси фаолиятини ташкил этиш тўғрисида» Ўзбекистон Республикаси Вазирлар Маҳкамасининг 2009 йил 15 декабрдаги 313-сон қарори
542. «2009 йилда саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш дастурига тузатишлар киритиш тўғрисида» Ўзбекистон Республикаси Вазирлар Маҳкамасининг 2009 йил 15 декабрдаги 314-сон қарори
543. «Ўзбекистон Республикаси Бош вазирининг ўринбосари — Ташқи иқтисодий алоқалар, инвестициялар ва савдо вазири — Ўзбекистон Республикаси Вазирлар Маҳкамасининг Ташқи иқтисодий фаолият, хорижий инвестицияларни жалб этиш ва ишлаб чиқаришни маҳаллийлаштириш масалалари комплекси раҳбарининг мақоми ва вазифалари тўғрисидаги низомни тасдиқлаш ҳақида» Ўзбекистон Республикаси Вазирлар Маҳкамасининг 2009 йил 15 декабрдаги 315-сон қарори
544. «Иқтисодиётнинг реал сектори акциядорлик жамиятларининг молиявий барқарорлигини янада оширишни таъминлашга доир қўшимча чора-тадбирлар тўғрисида» Ўзбекистон Республикаси Вазирлар Маҳкамасининг 2009 йил 17 декабрдаги 316-сон қарори
Бешинчи бўлим
545. «Автомототранспорт воситаларини қайта рўйхатдан ўтказишни (қайд этишни) ташкил этиш ва амалга ошириш тартиби тўғрисидаги йўриқномани тасдиқлаш ҳақида» Ўзбекистон Республикаси Ички ишлар вазирининг 2009 йил 13 октябрдаги 107-сонли буйруғи. (Ўзбекистон Республикаси Адлия вазирлиги томонидан 2009 йил 30 ноябрда рўйхатдан ўтказилди, рўйхат рақами 2050)
546. «2008 йил 13 майдаги Ўзбекистон Республикаси Устюрт минтақасидаги Урга, Куаниш ва Акчалак гуруҳига тегишли маҳсулот тақсимотига оид Битимни бажариш доирасида Ўзбекистон Республикаси божхона чегараси орқали олиб ўтиладиган товарларнинг божхона расмийлаштируви қоидаларини тасдиқлаш тўғрисида» Ўзбекистон Республикаси Давлат божхона қўмитаси, Ташқи иқтисодий алоқалар, инвестициялар ва савдо вазирлигининг 2009 йил 2 ноябрдаги 01-02/12-22, ЭГ-01/10-7233-сонли қарори. (Ўзбекистон Республикаси Адлия вазирлиги томонидан 2009 йил 14 декабрда рўйхатдан ўтказилди, рўйхат рақами 2053)
547. «Адвокатлик тузилмаларининг статистик маълумотлар шаклларини тасдиқлаш ҳақида» Ўзбекистон Республикаси адлия вазирининг 2009 йил 15 декабрдаги 280-мҳ-сонли буйруғи. (Ўзбекистон Республикаси Адлия вазирлиги томонидан 2009 йил 15 декабрда рўйхатдан ўтказилди, рўйхат рақами 2054)
548. «Қимматли қоғозлар билан репо битишувларни амалга ошириш тўғрисидаги низомга қўшимчалар киритиш ҳақида» Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2009 йил 20 ноябрдаги 2009-45-сонли буйруғи. (Ўзбекистон Республикаси Адлия вазирлиги томонидан 2009 йил 15 декабрда рўйхатдан ўтказилди, рўйхат рақами 1396-2)
549. «2010 йил учун давлат статистика ҳисоботи шаклларини тасдиқлаш тўғрисида» Ўзбекистон Республикаси Давлат статистика қўмитасининг 2009 йил 16 ноябрдаги 4-сонли қарори. (Ўзбекистон Республикаси Адлия вазирлиги томонидан 2009 йил 17 декабрда рўйхатдан ўтказилди, рўйхат рақами 2055)
550. «Табиий тошдан буюмлар (плиталар, блоклар) ишлаб чиқаришда меҳнатни муҳофаза қилиш қоидаларини тасдиқлаш ҳақида» Ўзбекистон Республикаси меҳнат ва аҳолини ижтимоий муҳофаза қилиш вазирининг 2009 йил 12 ноябрдаги 68-Б-сонли буйруғи. (Ўзбекистон Республикаси Адлия вазирлиги томонидан 2009 йил 18 декабрда рўйхатдан ўтказилди, рўйхат рақами 2056)
Қўшимча:

• Вазирликлар, давлат қўмиталари ва идораларнинг норматив-ҳуқуқий ҳужжатларини давлат рўйхатидан ўтказиш ҳолати тўғрисида 2009 йил 5 дан 18 декабргача бўлган маълумот

[Shukhrat Yaminov]

Вазирлар Маҳкамасининг 2009 йил 31 декабрдаги 340-сон қарори

Ўзбекистон Республикаси Қонун ҳужжатлари маълумотлари миллий базасидан кенг фойдаланишни таъминлаш чора-тадбирлари тўғрисида

Юридик ва жисмоний шахсларнинг меъёрий-ҳуқуқий ҳужжатлар матнларидан кенг фойдаланишини таъминлаш, шунингдек ахборот-коммуникация технологияларининг замонавий воситаларидан фойдаланган ҳолда ҳуқуқий ахборотларни аҳоли эътиборига етказиш учун қўшимча шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Адлия вазирлиги томонидан Ўзбекистон Республикасининг меъёрий-ҳуқуқий ҳужжатлари ҳамда халқаро шартномалари матнларини қамраб олган ва кенг фойдаланиш учун Интернет тармоғида жойлаштирилган Ўзбекистон Республикаси Қонун ҳужжатлари маълумотлари миллий базасини яратиш ишлари тугалланганлиги маълумот учун қабул қилинсин.
2. Ўзбекистон Республикаси Адлия вазирлигининг 2010 йил 1 январдан бошлаб барча фойдаланувчиларнинг Қонун ҳужжатлари маълумотлари миллий базасидан текин фойдаланиши тўғрисидаги таклифига розилик берилсин.
3. Белгилаб қўйилсинки, Қонун ҳужжатлари маълумотлари миллий базасини юритиш, техник жиҳатдан сақлаб туриш ва модернизация қилиш тадбирларини молиялаштириш Судлар ва адлия органларини ривожлантириш жамғармаси маблағлари ҳисобига амалга оширилади.
Қонун ҳужжатлари маълумотлари миллий базасини юритиш, техник жиҳатдан сақлаб туриш ва модернизация қилиш тадбирларини молиялаштириш ҳажмлари Ўзбекистон Республикаси Молия вазирлиги билан келишган ҳолда Судлар ва адлия органларини ривожлантириш жамғармасининг Кузатувчи кенгаши томонидан белгиланади.
4. Давлат ва хўжалик бошқаруви органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари раҳбарлари:
тегишли органларни, Қонун ҳужжатлари маълумотлари миллий базасидан қабул қилинган меъёрий-ҳуқуқий ҳужжатлар тўғрисида ахборотларнинг ҳар ҳафтада олиниши ҳамда раҳбарлар, ходимлар ва бошқа манфаатдор шахсларга етказилиши учун масъул бўлган шахсларни белгилаган ҳолда, Қонун ҳужжатлари маълумотлари миллий базасига улаш;
ўз ходимларининг ҳуқуқий саводхонлигини ҳамда янгидан қабул қилинаётган меъёрий-ҳуқуқий ҳужжатлар тўғрисида хабардор бўлиши учун масъулиятини ошириш юзасидан зарур чора-тадбирлар кўрсинлар.
5. Ўзбекистон Республикаси Адлия вазирлиги:
Қонун ҳужжатлари маълумотлари миллий базасининг узлуксиз ишлашини ва ахборот хавфсизлигини таъминласин;
Қонун ҳужжатлари маълумотлари миллий базасини ўз вақтида ва сифатли янгилаш, шунингдек Қонун ҳужжатлари маълумотлари миллий базасига уланиш ва ундан фойдаланиш тартибини тушунтириш юзасидан чора-тадбирлар комплексини ишлаб чиқсин ва тасдиқласин;
давлат ва хўжалик бошқаруви органлари, маҳаллий давлат ҳокимияти органлари томонидан Қонун ҳужжатлари маълумотлари миллий базасидан фойдаланилиши юзасидан доимий мониторинг олиб борсин;
ҳар ҳафтада олдинги ҳафтада қабул қилинган меъёрий-ҳуқуқий ҳужжатлар рўйхатини, шунингдек уларга қисқача изоҳларни Қонун ҳужжатлари маълумотлари миллий базасида ҳамда Ўзбекистон Республикасининг Интернет тармоғидаги Ҳукумат порталида эълон қилиб борсин.
6. Ўзбекистон Республикаси Ҳукуматининг иловага мувофиқ айрим қарорларига ўзгартиришлар киритилсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов ҳамда Ўзбекистон Республикаси Бош вазирининг ўринбосари А.Н.Арипов зиммасига юклансин.

Ўзбекистон Республикасининг
Бош вазири Ш.Мирзиёев

Вазирлар Маҳкамасининг

2009 йил 31 декабрдаги

340-сон қарорига

илова

Ўзбекистон Республикаси Ҳукуматининг

айрим қарорларига киритилаётган ўзгартиришлар

1. Вазирлар Маҳкамасининг 2000 йил 5 августдаги 304-сон қарори (Ўзбекистон Республикаси ҚТ, 2000 й., 8-сон, 47-модда) билан тасдиқланган Меъёрий-ҳуқуқий ҳужжатларни тарқатиш тартиби тўғрисидаги Низомнинг 10-банди қуйидаги таҳрирда баён қилинсин:
«10. Қонун ҳужжатлари маълумотлари миллий базасидан фойдаланиш Интернет тармоғи орқали текин амалга оширилади».
2. Вазирлар Маҳкамасининг 2003 йил 18 мартдаги 147-сон қарори (Ўзбекистон Республикаси ҚТ, 2003 й., 3-сон, 26-модда) билан тасдиқланган Судлар ва адлия органларини ривожлантириш жамғармаси тўғрисидаги Низомнинг 4-бандига қуйидаги таҳрирдаги «е-1» кичик банд қўшилсин:
«е-1) Ўзбекистон Республикаси Қонун ҳужжатлари маълумотлари миллий базасини юритиш, техник жиҳатдан сақлаб туриш ва модернизация қилиш тадбирларини молиялаштириш».

[Shukhrat Yaminov]

"Ўзбекистон Республикасининг 2010 йилги асосий макроиқтисодий кўрсаткичлари ва давлат бюджети параметрлари тўғрисида"
Ўзбекистон Республикаси Президентининг 2009 йил 22 декабрдаги 1245-сонли қарори
"О прогнозе основных макроэкономических показателей и параметрах государственного бюджета Республики Узбекистан на 2010 год"
(варақларнинг тўғри акс этиши учун Internet Explorer дан фойдаланиш тавсия этилади)

[Shukhrat Yaminov]

Ўзбекистон Республикаси Адлия вазирлиги вазирлиги "Юридик хизмат ходимларини аттестациядан ўтказишда бериладиган саволлар рўйхати"ни эълон қилди.

[Tulqin Eshbekov]

Сообщение от Shukhrat Yaminov

фойдаланиш тавсия этилади

Баъзан кап-катта кишилардан: "бакалавр - тугалланмаган олий маълумот", деган беўхшов гапни эшитсам энсам қотади. Ахир, бакалавр - таянч олий маълумот эканлиги Ўзбекистон Республикасининг "Таълим тўғрисида"ги қонунида ёзиб қўйилган-ку! Энг ёмони - ўқимасдан гапиришдир.