Bahru-bayt

[Mahmud Jurat]

Сообщение от Gulchehra Ibragimova

Орзу қанотида хаёлингдир ишқ.

Қилай десанг дунёда топилгайку иш,
Тавқи лаънатимку бўйнимдаги ишқ,
Наҳот ҳаёт мағзи иш ва муҳаббат,
То охир туйнукка қўйилгунча ғишт.
(С)

[albatros]

Сообщение от Mahmud Jurat;

То охир туйнукка қўйилгунча ғишт.

...Taslim bo'l, deb yonar anduh olovi,
Umudlari kuygan ko'nglim ko'p demas...
Siz qachon kelasiz mening "birov"im,
Siz yo'q - gullarning-da ismi ko'p emas.

Iroda Umarova

[Minglar]

...So`ng hayotdan charchab aytdim:
" Kel bag`rimga, kelgil, qaytgil..."
Yuraklar bir bo`lgan payti,
Men devona , Sen devona!


(C)

[Nigora Umarova]

Сообщение от Minglar

...devona!

Afsuski, topilmas hamdam bu damda,
Bir vafoli yor yo'q olamda.
Odamlardan vafo istama zinhor,
Vafo odati yo'q bani odamda.

Pahlavon Mahmud

[Gulchehra Ibragimova]

..ахир ортга қайтган билан,
Кўнгилда муз..эримаса?..
Возлар кечиб кетай десам,
Ҳаёт такрор берилмаса?..

Қайтсаммикан?
мен хайрона..
Илҳақмикан ул остона?
Кетаверай, қўй, мастона,
Ишқда сенми бир ягона?..

Бўл мардона, дил - вайрона,
..Мен- девона, Сен.. – бегона.

КЕТАВЕРАЙ..?

(к)

[Mahmud Jurat]

"Йўқ кетма", деб тутма мени, этаклар вайрон,
Бизга қараб атрофдаги ҳар бир жой ҳайрон,
Келиш, кетиш ихтиёри бизда эмаску,
Шундай экан сўрамагин зинҳор, гулижон.
(С)

[Gulchehra Ibragimova]

Нотавон атасанг, атайвер майли,
Мен борар йўлларим сендан кўп айро.
Маҳшарда ҳам ҳатто келмагай гали
Тиконман, тиконга кўрмасман раво!

(к)

[Nigora Jumaeva]

Oy - ko`kka tavakkal chеrtilgan tanga,
Holbuki, har ikki olam bir mеnga.
Ayt, nima yomonlik qilovdim sеnga?
Bunchalar sеvdirding mеni, bunchalar?

Iqbol Mirzo

[Masud Mahsudov]

Ранжиманг, баъзида паришон,
Қўнғироқ қилишни унутсам,
Ё ўзим бўлолмай меҳрибон,
Сиздан бисёр меҳрни кутсам
Ёзмасам Сиз учун номалар,
Қалбингиз қилмасин нолалар.
Шубҳанинг юртида юрганча,
Ҳар турли ўйларга борганча,
Ранжиманг...
Азизам, кўнглингиз тўқ бўлсин,
Заррача гумон ҳам йўқ бўлсин,
Ишқ – ишонч, дегани эмасми?
Бошқалар не деса демасми,
Ичингиз хижиллик тортмасин,
Рашк юкин эгнига ортмасин.
Ва узоқ тикилиб кўзимга,
Инонмай айтажак сўзимга,
Ранжиманг.
Кўрмайин чашмингиз ёшини,
Майдаланг хавотир тошини,
Зулматга ботмасин дилингиз,
Нигоҳлар сотмасин дилингиз,
Ўртанманг,
Ўксинманг, ёрижон,
Талпинар бир дил Сиз сори жон,
Истара, чиройга бойимсиз,
Кўкда ўн беш кунлик ойимсиз
Ранжиманг
Сиз менга жудаям кераксиз,
Кўксимни бутловчи юраксиз,
Ўтиниб худодан сўраган
Тилагим – Сиз ўша малаксиз,
Ранжиманг,
Илтимос, ранжиманг...

(с)

[Nigora Umarova]

Сообщение от Masud Mahsudov

...Илтимос, ранжиманг...

(с)

Гар хизмат аро йўқ эди мендек бир амин,
Гар сўзум эди санга чу бурҳони мубин,
Топдинг мендин не феъли ношойиста,
Ёлғон кибидир ҳар неча сўз десам чин.

Комил