Синфдошлар учрашуви сценарийсини тузишда ёрдам керак

[Masud Mahsudov]

Quyida Muhabbat Shamayevaning Siz so'ragan qo'shig'ini ilova qilayapman. Agar ochilishida muammo bo'lsa, yozing.

[gofurov]

Сообщение от Husen

"Ёр-ёр" фильмидаги "Кўчалар" қўшиқларини топишда ёрдам беролмайсизларми?

http://www.dir.uz/ru/files/show/7995...halar_mp3.html
http://www.dir.uz/ru/files/show/7996...halar_mp3.html

Сифатига узр сурайман.

[Husen]

Ушбу мавзуга асос бўлган воқеа – Бухоро вилояти Қоракўл туманидаги 8 умумтаълим мактабини 1972 йилда тугатган синфдошларнинг ноҳият 40 йиллик юбилей учрашуви жорий йилнинг 14 октябрь куни бўлиб ўтди. Шу сабабли, тадбирдан қисқа репортажни тақдим қилишга қарор қилдим.



Учрашувга деярли 80 % синфдошлар жамланишди. Тадбир аввалдан ишланган пухта сценарийдан умуман оғишмаган ҳолда чиройли тарзда ўтди дейиш мумкин. Дастлаб зал чироқлари ўчирилиб, проектор орқали битирувчилар винеткасидан ҳар бир ўқувчининг сурати алоҳида олиниб, ўзига хос кетма кетликда мусиқа ҳамоҳанглигида намойиш қилинди. Сўнгра тадбирни синфдошларнинг синф раҳбари очиб берди.

Шундан сўнг, 10 га яқин устозларнинг турли даврларда тушган суратлари суратлари Санобар Раҳмонованинг “Устозлар” қўшиғи фонида намойиш қилинди. Шу ерда синф раҳбари ўқувчиларининг билимларини яна бир карра синаб кўрди, гарчи оддий туюлса-да, “Пифагор теоремаси”, “А-Бнинг квадрати” каби формулаларни ўқувчилар шаррос айтиб беришди. Қизиқарли савоол жавоблардан сўнг устозларга эсдалик совғалар топширилди.

Учрашувнинг хотира блогида яна зал чироқлари ўчирилиб, сокин мусиқа остида ҳаётдан бевақт кўз юмган 3 нафар синфдошларнинг турли даврларда тушган суратлари намойиш қилинди. Бу намойиш шу даражада таъсирчан чиқади деб кутмаган эдим, боиси марҳум синфдошлар ҳақида ўз хотираларини ўртоқлашиш учун сўзга таклиф қилинганлар ҳам, ўтирганларнинг кўзларидан ёш оқаётган эди.



Тадбирнинг болаликка бағишланган қисмида Ю.Усмонованинг “Болалигим сен ҳам мени соғиндингми?” қўшиғи остида синфдошларнинг болалиги акс этган суратлар намойиш этилди. Шундан сўнг, даврага синфдошларнинг бир гуруҳ набиралари таклиф этилди. Улар томонида бобожон ва бувижонларга бағишланган шеърлар айтиб берилди. Болажонларга эсдалик совғалар тақдим қилинди.

Тадбирда синфдошларнинг ота-оналари ҳам ёдга олинди. Афсуски, ота-оналарнинг суратлари етарлича жамланмагани боис, улар учун алоҳида видеонамойиш ташкил қилолмадик. Ота-оналарга бағишланган шеърлар ўқилгач, санъаткорлар томонидан уларга бағишланган қўшиқлар куйланди.

Тадбирдаги кўнгилочар лойиҳалардан бири мактаб давридаги 2 урушқоқ синфдош кутилмаганда даврада яна бир-бирининг ёқасида олса бўладими? (Албатта, аввалдан уюштирилган). “Ҳозир ҳам билагимда кучим бор, сени йиқиб ташлайман!” деб бир бирига пўписа қилган синфдошларга курашчи кийимлари кийдирилиб, саҳнага гилам тўшалди ҳамда ўзаро кураш тушишди. Бошқа бир синфдош эса ҳакамлик қилиб турди. Албатта, бу курашда биров ғолиб, бошқаси мағлуб бўлиши мумкин эмас эди. Дўстлик ғалаба қозонди. Энг муҳими, курашчи синфдошалр акётрлик маҳораталрини ишга солиб, атрофдагиларни анча ишонтира олишди.



Йигитларнинг бу чиқишига жавобан қизлар ҳам бўш келишмади. Кутилмаганда “Тўйлар муборак” мусиқаси жаранглаб, даврага оқ ҳарир рўмолда салкам 60 ни қоралаб қолган келинни олиб чиқишди. Назаримда ортиқча таърифга ҳожат йўқ. Сўнгра барча синфдошларга пародия тарзида ёзилган келин салом ўқилди. Ўзи ҳам ўша куни келинпошша роса кўрмана ишлади.


Бу йигит келинни ёшлигиди севган-у, аммо, уни четга тортаёган қизга уйланган!



Тадбирда бир-бири билан оила қурган 6 нафар жуфтлик синфдошлар даврага таклиф қилинди. Бу ерда эркакларга орадан 40 йил ўтиб ҳам аёлингизга севги изҳор қила оласизми деган ҳазиломуз савол берилди. Шу пайт барча эркаклар келишувга кўра чўнтагидан қоғозга ёзилган ёрга бағишланган шеърларни олиб, ўқиб беришди. Бу аёллар учун умуман кутилмаган ҳол бўлди!

Шунингдек, тадбирда сўзга чиққувчиларга мактаб даврига оид қизиқарли воқеалардан гапириб, ундан кейингина ўз тилакларини айтиш талаби қўйилган эди. Улар бу талабни ортиғи билан адо этишди. Учрашув давомида айтиб берилагн воқеалар яхшигина ҳикоялар тўпламига хамиртуруш вазифасини бажариши мумкин.

Бундан ташқари тадбир давомида синфдошларнинг ёшлигини ёдгасолувчи 60 дано шиқ суратлар проектор орқали намойиш қилиб турилди.

Хуллас, учрашув бўлиб ўтди. Унинг юқори савияда ўтишида форумдошларнинг ҳиссаси катта! Ўз маслаҳатларини берган, шеър ва куй-қўшиқларни тавсия қилган барча форумдошларга чексиз миннатдорчилик билдираман!

[Sayyora]

Juda chiroyli tadbir bolibdi. Scenariy ham ajoyib. Ushbu tadbir esda qolishi aniqdir. Ularning 50 yillik tadbiri undan ham qiziqarli bolishiga ishonaman. Sizga reportaj uchun rahmat Husen!

[Nargiza Saidova]

Сообщение от Husen

қисқа репортажни тақдим қилишга қарор қилдим.

койил. Куриб жуда хавасим келди. Тадбир хам жуда чиройли, иштирокчилари хам хавас килишга арзийдиган экан.