Талабалик давримда

[Kavsar]

Ассалому алайкум, қадрли форумдошлар! Бу мавзуда талабалик йилларидаги энг мазмунли ва ибратли хотираларни ёзамиз.

Кеча Тоҳир Малик ёзувчи домламизнинг "Нафс" ҳақидаги мақолаларини фирк.уздан ўқиб қолиб, у киши билан бўлган бир ижодий учрашув ёдимга тушди. Унда мен талаба эдим.

Ўзбек филологияси факультетининг 1-курс магистрлари эдик. Баҳодир Каримовнинг дарслари ҳисобига ёзувчимиз Тоҳир Малик билан ўтадиган ижодий йиғинга (Шарқ зиёкори магазинига) таклиф қилишди. Факультетимиз домлалари билан ҳаммамиз бордик. Қайсидир тенгдошларим пайтдан фойдаланиб уйга қочмоқчи... Яна кимдадир бошқа муаммо... Аммо мен бундай жойлардан қочишни хоҳламасдим.

Севимли ёзувчимиз келдилар. Кимлардир китоб олиб келишган автограф оламан деб. Бакалаврдаги учрашувда мен ҳам автограф олгандим, лекин бу сафар... Бизга дарс пайти кутилмаганда хабар қилишди, студентчилик, янги китобга яраша пул олмаган эканим. Афсус қилдим, энди эртага келиб балки янги чиққан китобни оларман, лекин унда дастхатга кеч бўлади. Ҳаммадан ҳам эмас, фақат ўзим яхши кўрадиган ижодкорлардан дастхат олишга жуда иштиёқманд эдим.

"Келинлар дафтари" китобининг тақдимоти бошланди. Аввал ташриф буюрган устозлар гапиришди, адибимизнинг яхши фазилатлари билан бизни таништиришди. Аммо бу гаплардан илгари энг яхши 3 та саволга китоб (дастхати билан) қўйилганлигини Тоҳир Малик домламиз айтиб қўйгандилар.

Навбат саволларга келгач, иккинчилардан бўлиб:

1. Сизни жудаям ардоқлаймиз, асарларингизни яхши кўриб мутолаа қиламиз. Мана шунча ибратли асарни ёзиб қўйдингиз, ҳаётда топган ҳақиқатингиз нима бўлди?
2. Иккинчи саволим: Ҳаётда яшаш мезонингиз... олдиндар раҳмат дея савол бердим.

Ёзувчимиз бир лаҳза тин олдилар-да, "Ҳаётда топган ҳақиқатимми?" дея қайтардилар. Ва "Крутой савол бўлди-да бу... Битта китоб кетди" дедилар. Кейин чиройли сўзлай бошладилар. Мени ёдимда қолгани 2-саволимга берилган жавоб бўлди. Микрафондан узоқлашиб устозларим ва тенгдошларим олдига бориб жойлашгунимча негадур жуда хижолат тортдим лекин.

Ёзувчимизнинг ҳаётда яшаш мезонлари Қуръон, ҳадис, тўғрилик, ростгўйлик ва ҳалоллик экан.

Дастхатга ҳамиша бир хил энг яхши тилак ёзилган бўларди "Икки дунё саодатини тилаб...". Бу сафар ҳам худди шундай тилак билан "Келинлар дафтари"ни қўлга киритганимга ҳеч ишонмасдим. Китоб мазмуни менга жуда ёқди.

Мана орадан шунча вақт сувдек ўтиб қолди, аммо бу хотиралар ёдимга тушса, юзларимда беихтиёр майин табассум пайдо бўлади. Мен ҳам инсон, ҳам ижодкор сифатида қадрлайдиган Тоҳир Малик устозимизга ҳам икки дунё саодатини тилаб қоламан. Биз учун янги ва ибратли асарларни ёзишда асло чарчамасинлар.

[Pfefferminze]

Men esa talabalik davrimni unchalik ham esga olmayman. Talabalik davri-oltin dawr hisoblanadi. Lekin, meniki mashaqqat davri bo'lgan. Judayam!!! Qattiq, berilib o'qiganman. O'qishga kirishdan oldin 3 yil maxsus tayyorgarlik ko'rganman maktabning 9 sinfidan boshlab. Diplomatiya mening orzuim edi. Mehnat qilib, kirdim o'qishga. O'sha mashaqqat tufayli ko'p yutuqlarga erishdim. Shukr bunga. Ammo, haddan tashqari berilib o'qir edim, chunki dastur qiyin edi. 16 ta fan kamida...oddiy oliy uquv yurtlarinikidan tubdan farq qilar edi, har kuni javob beribb, ball yig'ib borish kerak edi, maktab tizimi qo'llanilgan edi. O'qimagan narsamiz qolmagan edi. 4 ta tilda dars o'tishar edi. Rus, o'zbek, nemis va ingliz tilida. Eng qiyini menga ekonometriya bo'lgan, chunki batamom ingliz tilida o'tar edi domla, menda esa birinchi chet tili nemis tili edi...har kuni shu ahvol 4 ta tilda javob berish kerak. Bundan tashqari, qolgan fanlardan ma'ruzalar tayyorlash kerak. Mat.model , teor ver, informatika degan fanlar...oliy matematika degan fanlar odamni olib borib kelardi,ayniqsa har oy test topshirganimizda. Yuqori kursda talab kuchayib borar edi. Borgan sari qiyinlashib, murakkablashib, mavzulari oddiy emas edi, qiyin mavzularni tanlashar edi domlalar. Rus adabiyoti, jahon adabiyoti, tarix, kabi 3- darajali fanlar ham birinchi fanlar qatorida turar edi, maxsus fanday. men ko'pincha 2 soat uxlar edim. Yozda ta'tilda keyin kasalxonada yotar edim, davollanib. 3 -kursda qattiq kasal bo'lganman. Lekin, bir tomoni bor edi, chet eldan kelgan mehmonlarni universitetga olib kelishar edi, ular bilan rasmiy uchrashuv bo'lar edi. Klinton xonim kelganlar...elchilar...shu tarafi qiziq edi...
yomonlik qilmas edim, uyga rahmatnoma yuborilgan edi rektor nomidan. Namunali xulqi, a'lo uqishlari uchun deb...Bellashuvlarda komanda kapitani bulib, kapitanlar bellashuvida hamisha g'olib chiqar edim. Dadam meni ko'rishga kelsalar, dekanlar maqtar edi...Otamning yuzlarini yoruq' qilganimdan xursand bo'lar edim....har holda moliyaviy xarajatim ko'p edi, Dadam ko'tarar edilar....oqlayotganimdan xursand bo'lar edim...1- kursda, aylanib kelishim uchun Dadam meni Germaniyaga 3 haftaga yuborganlar... tilni mustahkamlasin deb....kelib a'lo bilan yopganman semestrni, rahmat ma'nosida, harakat qilganman hamisha a'lo o'qishga, 100 ball bilan yopishga...umumiy ball 5 yil ichida 100 dan 92 bulgan...
Qizlar bilan hech qayerga chiqmas edik, bedarak yurmaganmiz hech qachon, doim kutubxonda, o'quv zalida o'tirar edik. Bu bakalavrda edi...
Magistraturada ham xuddi shunday edi...unda endi ishlar edim ham o'qib ham ishlar edim...ishlaganda ham qattiq ishlar edim....Ertalab sahar ishga ketar edim dar boshlangunga qadar 2 soat ishlar edim, bu uchun uydan tayyor bulib sahar 6 da chiqib ketishim kerak edi. 9 da 10 da dars boshlanar edi, 4 da tugar edi...men kech payti yana ishga ketar edim, soat 20 da uyga kirib kelar edim, nihoyatd charchagan holatda, keyin damolib dars qiar edim...ta'tilda esa, kechki smenada ishlar edim. bu degani kechasi soat 22 dan ertalab 6 gacha...azon 7 da uyga kirb kelar edim 3-4 soat uxlab, keyin kutubxonaga chiqar edim...tinim olmaganman 3 yil davrida...hatto uyga ham bir kelib ketmaganman...:-)...shu yo'sinda yashashga balki o'shanda o'rganib qolganman...lekin, shuncha ishlasam ham muvaffaqitli bitirganman.Meni PhD ga taklif qilishgan kel deb...ushanda 1 yil bulgan edi, uyda bulganimga...xo'p deb qaytib ketganman...
doktarantura hayoti o'zgacha kechgan....

R

[UzVersace]

Сообщение от Pfefferminze

Men esa talabalik davrimni unchalik ham esga olmayman. Talabalik davri-oltin dawr hisoblanadi. ...shu yo'sinda yashashga balki o'shanda o'rganib qolganman...lekin, shuncha ishlasam ham muvaffaqitli bitirganman.Meni PhD ga taklif qilishgan kel deb...ushanda 1 yil bulgan edi, uyda bulganimga...xo'p deb qaytib ketganman...
doktarantura hayoti o'zgacha kechgan....

R

Дахшат,талабалик сизга насиб кибди,манга 3йилдан бери насиб килгани юк,талабалик манда канака утаркин Худо хохласа )

[Pfefferminze]

Сообщение от UzVersace

Дахшат,талабалик сизга насиб кибди,манга 3йилдан бери насиб килгани юк,талабалик манда канака утаркин Худо хохласа )

Sizga ham nasib qilsin, talabalik iloyim...

[Pfefferminze]

doktoranturada o'qib yurgan paytlarimda esa, universitetning talabiga binoant, dars berib yurar edim. Bu esa doktorlik ishidan ham ming chandon qiyin edi. Men lekin, yaxshi tayyorgarlik ko'rar edim, darsga, sababi bir narsadan qo'rqar edim. Talabalarni savoliga javob bera olmaslikdan qattiq qo'rqar edim...judayam...chunki men begona yurtdan edim ular uchun, ma'lum ma'noda yurtni himoyasi deb turar edim. o'zbek ikkichi, savolga javob berolmadi, xato ga[pirdi degan tamg'ani ko'tarish men uchun isnodday gap edi. og'ir edi..shu uchun sira 2-3 darajali narsalarga vaqtimni zoe ketqazmas edim, darsga baquvvat tayyorgarlikni ko'rib borar edim. Zalning birinchi qatorida bir nemis yigit o'tirar edi. Ko'zini uzmay qarab o'tirar edi. ma'lum ma'noda yoqtirib qolgan edi, kafedraga tez-tez keladigan bo'ldi. turli-xil bahonalar bilan oyoq chiqardi...dars paytida odamni qarashalri bilan xijolat qilar edi....har qanday tadbirlda yonimda turar edi....o'zining borligini bildirib turar edi....lekin, xushsur'at yigit edi..lekin, men hech qachon e'tibor bermas edim, imkoniyat ham bermas edim, umid ham qoldirmas edim. Bir og'iz gapirmas edim....

ba'zida uylanib qolaman, oqqan suvni qadri yo'q deb....qizlar andisha qilib, o'zini baxtini bog'lab qo'yadi, menimcha.....

[Bekmirzo]

Talabalik davrimda auditoriyadagi doskani bir turtib qo'yaman, deb, doskani chil-chil sindirib qo'yganman...

[OmoN]

Биз гирмонга борганимизда...Иккинчи курсда фалсафадан Фаёзов деган домламиз бўларди. Бир куни мендан "Айрим физика-математикани яхши биладиганлар фалсафа фанини сафсата деб аташади. Сиз шунга нима дейсиз?" деб сўраб қолди. Мен эса: "Домла, мен ҳам физика-математикани яхши биламан" дегандим

[Shomurodov Shohruh]

Сообщение от OmoN

Биз гирмонга борганимизда...Иккинчи курсда фалсафадан Фаёзов деган домламиз бўларди. Бир куни мендан "Айрим физика-математикани яхши биладиганлар фалсафа фанини сафсата деб аташади. Сиз шунга нима дейсиз?" деб сўраб қолди. Мен эса: "Домла, мен ҳам физика-математикани яхши биламан" дегандим

Нимага хамма фалсафа фанини ёмон куради? Мен учун энг зур фан, мазза килиб дам олиш мумкин эди шу дарсларда, ким ухлайди, ким интернетда утирибди, семинарларда эса умуман шовкин-сурон ура-ур буп кетарди )))

[Husen]

Сообщение от Shomurodov Shohruh

Нимага хамма фалсафа фанини ёмон куради?

4 йил ҳамма фанларни 5 га ёпиб, битта шу фалсафа қурғурдан 3 олганман. Касрига отамга "қизил диплом оламан" деб берган ваъдам пучга чиққан эди. Шундан кейин ҳам фалсафани яхши кўриб бўладими?!

Оффтоп:

Дарвоқе, ўша домлам 2009 йилги сайловолди кампанияда бир партия номидан жуда фаол иштирок этди. Сайловда мана сенга деб ўша партия номзодларига атайлаб эътибор ҳам бермадим. Ўзимча қасд олдим-да! Бировга ёмонлик қилсанг қирқ йилда эмас, қирк кунда қайтади дегани эҳтимол шудир!

[Bekmirzo]

Сообщение от Pfefferminze

...lekin, xushsur'at yigit edi... lekin, men hech qachon e'tibor bermas edim, ...

Оффтоп:

Yigitga nisbatan lutf qilibsiz-da