[Без оффтопа] Шеър азиз олам аро...

[Gulchehra Ibragimova]

Сообщение от Alisher Asror

Muhabbat basirmi , muhabbat uvol!?!

Муҳаббатда айб йўқ, менман ул басир,
Туйғуларга қулман, кўнглингга асир..
Воз кечдим, кетяпман, майли яхши қол,
Майлига бўлса-да, муҳаббат увол..
Яхши қол..

[pipicron]

Оффтоп:

Ассалом алайкум форумдошлар. Уйгуннинг Илтижо деб номланган шеъри кимда бор? Илтимос, менга ЛСга ёки шу жойда колдирсаларинг. Олдиндан рахмат.

[Aliya]

Siz mening...

Siz - tonglar bag'riga yashirilgan sir,
Nasimlar tilida aytilgan izhor.
Siz - sho'r peshonamga hadya bir taqdir,
Qorlar og'ushida yo'qlagan bahor...

Men - tonglar bag`rini kuydirgan nigoh,
Nasimlar izhorin izlagan ertak.
Men - qora qismatga isyon etgan moh,
Bahorin intizor kutgan bir chechak...

Siz - ko'ngil zabonin eng suyuk ismi,
Qora lahzalarni nurga to'ldirgan.
Siz - sog'inch, ruhidan ayrilgan jismi,
Hijron lashkarlari asir oldirgan...

Men - ko'ngil qa'rida jon saqlagan so'z,
Oftob siymosida nigoh solgan nur.
Men - sog'inch bag'rida porlagan yulduz,
Hijron qo'shiniga sulh o'qigan hur...

Siz - meni hammadan yashirgan rashksiz,
Gullar rangi qadar sof va beg'ubor.
Siz - orzu qilingan oliy baxt, shaksiz,
Tong ro'yosi va'da qilgan bir diydor...

Men - rashk oloviga tiz cho'kkan g'urur,
Gullarning mehridan yaralgan malak.
Men - baxt cho'qqisini ko'zlagan surur,
Diydorni sog'inib, yig'lagan yurak...

Siz - mening dunyoda yolg'iz borimsiz,
Men - sizning dunyoda yolg'iz yoringiz...

[Nigora Umarova]

Оффтоп:

Shahnozaxon, bugun Sirdaryo viloyati yosh ijodkorlari uchun Yozuvchilar uyushmasi tomonidan tashkil etilgan anjumanda qatnashdim. (Bu haqida bir necha soatlardan so'ng yoritib beraman) Navbatdagi yosh ijodkorlar hamda elimiz suygan shoir, yozuvchilar, adabiyotshunos olimlar bilan bo'lib o'tadigan ijodiy muloqot hamda seminar treninglar Surxondaryo viloyati yoshlari (10 yoshdan-26 yoshgacha bo'lganlar) uchun bo'larkan. Siz ham ushbu ikki kunlik anjuman-suhbatda viloyatingizdagi Yozuvchilar uyushmasi filiali bilan bog'lanib qatnashsangiz bo'larkan.

[albatros]

O'zbekiston.

Odamlaring yuzidan taralar ziyo,
Bog’ingdagi mevalar asaldir go’yo
Tuprog’ingda ungan har maysang giyoh,
Jannatmakon o’lkam,O'zbekistonsan.

Obidalaringni bordir o’z sehri,
Hatto ojiz erur oldida Dehli
Senga tushdin doim,Ollohni mehri,
Jannatmakon o’lkam,O'zbekistonsan.

So’zlagan xalqingni tillarida bol,
Yuzidan arimas tabassum,iqbol
Bizga hadya etdi buni ISTIQLOL,
Jannatmakon o’lkam,O'zbekistonsan!

2004-yil

Оффтоп:

Vatan haqida yozgan ilk she'rim. Ushbu she'rni yozganimda ( agar she'r deb bo'lsa) 17 yoshlarda edim. Shu boisadan kamchiliklar bo'lishi ehtimoldan holi emas.

[albatros]

TUYUQLAR.

Ey, o’glon qalbingda doim bo’lsin o’t,
Yaxshi yomon kunda chida , yengib o’t.
Garchi qor-yomg’irda xazon bo’lsada,
Bahorda ko’karar yana maysa o’t.

* * *

Avvalo cho’mildi, daryoga suzib,
So’ng dasturxon tuzdi, taomlar suzib.
Qornini to’yg’azib, yotib o’rniga,
Uyquga ketdi-u , ko’zlarin suzib.

©

[Gulchehra Ibragimova]

Кутиш... ёки тан олиш

Эшик
содиқлигинг бугун керакмас,
Содиқлигинг бугун ортиқча!...
Очила қол, зориқиб кетдим —
Қайта дунё этгил “тортиқ-ча”?!

Ўзим бориб очмоққа нетай
Ғурур қўймас, журъат ҳам етмас,
Ёрнинг берган ўша озору,
ҳижрон жабри юракдан кетмас.

Оҳ, нетайким севиб қолганман -
Жабрдийда ул зулмкорни.
Очила қол интиқиб кетдим,
Бўйни синсин ёлғон инкорни!.

Севги агар бир «қасам» бўлса -
Ичиб қўйдим минг бора уни...
Захрин билиб тотиб қўйганман -
Ақлим олган ўшал “оғу”ни.

Эшик!
содиқлигинг бугун керакмас,
Бўзламаган юрак - юракмас.
Бир бор эшик ёпган ҳам ўзим-
Ошиқлик бил ахир эрмакмас!.

..Эшик
очила қол, мен очолмайман...

(с)

[Aliya]

Gulchehra opa, ko'ngilning tub-tubiga yashiringan iqrorlarni qayerdan topib olasiz-a?

Ko'ngling mehrobiga sajdalar qilay...

Yolg'iz kunning yuki qaddimni egsa,
Quyoshim yuzida paydo bo'lsa dog'.
Zolim falak makri ko'z yoshim to'ksa,
Men-la qol keng dunyo tor ko'ringan chog'.

Yuragim ezganda g'am va iztirob
Mehringda artilsin ko'zimda shabnam.
Hijrondan ko'nglimga to'lganda zardob
Dardimni sen bilan ko'rayin baham!

Ko'ngling mehrobiga sajdalar qilay,
Eng og'ir kunimda yonimda bo'lsang.
Baxtning eshiklari abad ochilgay
Haq aytgan tomonga yo'limni bursang.

Unutib ketadi - ishq ham, bu - ravon,
Havoga sochilar "sevdim" degan so'z.
Ammo, bu boshimga kulfat kelgan on
Faqat sen dardimga sherigimsan, do'st!

Qiyomat qasami ulug'lashtirgan
Sadoqat rishtasi birlashtirgan do'st!

[pipicron]

Қон йиғлайди ҳиёбонда ёлғиз ўсган садарайхон
Йиғлаб айтган сирларини булбул тинглар булиб ҳайрон:
“Бунчалар хам тошмехрли, метин юрак бўлар инсон?
Бир кўнгиллар айлиғин гувохиман. Куз келсайди.

Онлар ўтар шамол каби орзуларин айтишгунча,
Кунлар ўтар йиллар каби яна висол қайтишгунча.
Бахтли онлар изхорига тугиб қўйсам гўзал ғунча
Тиконларга айланади, “Алвидо”лар. Ёз кетсайди.

Унсиз ўтинч, умид қолар, армон қолар нигохларда.
Чора борми, билсам эди, мен билмаган гуноҳларда?
Қасдим бордир ишқ қасрини кемтик қурган сипохларда,
Захрим сочиб сўлсам майли, ғанимларга. Куз келсайди.

“Кетма” дея айтолмайди. “Кетманг” дея айтолмайман.
Икки издан икки тараф кетолмайман, етолмайман.
Икки тақдир қисматини билолмайман, кутолмайман,
Яна айро тақдир кўрмай ёзим кетиб куз келсайди.

Нажот борми? Жоним берай. Дилни дилга боғлагин бас.
Айрилиқни қўй қиёмат. Висоллардан яралсин сас.
Кутиб яшай изхори дил, токи мендан қолмагай хас,
Аёзларга силтай гулим, бахор яна бир келсайди.

14 август, 2007 йил.
(С)

[Mahmud Jurat]

ИЛТИЖО

Эй тангрим, тинчлигинг иноят қилгил,
Меҳрингдан доимо бўлай баҳраманд.
Менинг ҳам меҳримни кутганлар билсин,
Мен доим уларга чин дилдан ҳамдард.

Куч бергин, меҳрингдан қилма мосуво,
Муҳтожлар ҳолига елкам берайин,
Адашган душманни қилмагин расво,
Унинг тавбасига тшлар терайин.

Қилган гуноҳларим сен ҳам кечиргин,
Туҳмат, хусуматни кечирай мен ҳам.
Муҳаббат болидан бода ичиргин,
Мендан қут кутганлар бўлмасин мулзам.

Шундай бир илоҳий меҳр бергинки,
Ул сахий Ҳотамдай улашиб юрай.
Бутун олам билсин бир сахий туркни,
Ошиқлар ёрласин кўзи қуралай.

Билгинки тозадир мендаги нидо,
Тозалик иффатинг аяма биздан.
Оламнинг номидан қилдим илтижо,
Озод қил бандангни ҳамма қарздан.
(С)