Қийин вазиятдан қандай чиқасиз?

[Sirim]

Bir-biringizga tosh otib qiyin vaziyatdan chiqayapsizmi? Munozarani shaxsiy xabarlarda davom ettirmasangiz starter haq bo'lib chiqayapdi. Domlaga o'hshab sizlarning ham sirkangiz suv ko'tarmay qolibdi.

[Bekmirzo]

Сообщение от starter

... nuqul ayrim forumchilar u kishiga "nayezd", piching gaplar, qog'ozga o'rab haqorat gaplar qiladi, "travlya" uyushtiriladi. "Plyus-minus" o'ynashadi. 3-4 marta bo'lsa mayli edi, bu hol regulyar tarzda davom etmoqda.

Hurmatli starter,
kaminani ma'zur tutgaysiz, hozirgina sizga bitta "-" qo'ydim. Buni "plyus-minus" o'yini deb tushunmang, aksincha, fikringizni (aniqrog'i, uning aksar qismini) rad qilish uchun forumning texnik imkoniyatidan foydalanish, deb qabul qiling.

Avvalambor, siz "ayrim forumchilar" deb mavhum gapiryapsiz, o'sha "ayrimlar"ni ayblayotganingiz "piching bilan gapirish"ni o'zingiz ham maromiga yetkazyapsiz yuqoridagi postingizda. Shaxsan men masalan To'lqin Eshbekovning postlariga onda-sonda tanqidiy munosabat bildirib kelaman, menga yoqmagan yoki ma'qul kelmagan gaplariga goh-gohida "-" qo'yib ketaman. (aytmoqchi, biror gapni sizga yoqish-yoqmasligini bilish uchun uni avval o'qish kerak...)

Oddiy odamlar qo'ylar podasiga o'xshaydi, ko'pchilik nima qilsa, boshqa qo'ylar ham ko'pchilikdan qolishmaslik uchun ko'pchilik qilayotgan ishga bosh urishadi. Forumda ham huddi shu tendensiyani kuzatyapman. Yangi kelib qo'shilayotgan forumchilar sababi bilan qiziqib o'tirmasdan boshqa "avtoritet" forumchilar T. Eshbekovni "travlya" qilayotganini ko'rib podadan qolgisi kelmayapti.

Wataayyttt
Hurmatli starter, siz podaning qaysi qismida yurasiz?

Afsuski prinsiplarim biron mavzu yoki forumchini ignor qilishga yo'l qo'ymaydi. Chunki umidsiz, hatto debil bo'lib ko'ringan odamdan ham bir kuni "paq" etib genial fikr chiqib qolmasligiga hech kim kafolat bera olmaydi.

Masalan, men ham shunga o'xshash principimdan kelib chiqib, jumladan ushbu mavzuga ham qarab turaman. Shu bilan birga, yozilgan gaplarga tanqidiy nigoh bilan qarash principimni ham chetda qoldirmayman.

Nima demoqchiman, tavsiyam: gapirishga arzirli gap bo'lsa yozinglar...

Mana, siz ham yuqoridagi postingizda arzirli gaplar yozdim, deb hisoblaysiz-da. To'g'ri o'ylaysiz. Boshqalar ham o'z yozganlari haqida shunday o'ylashadi.

[Nigora Umarova]

Сообщение от JasurBek Urinboev

Оффтоп:

Ўзимни ҳеч нимага ўхшатмаяпман, нарсага ўхшатмаганманам. Сизнинг мана шу хақоратингиз учунам жазо бериш керак аслида.

Оффтоп:

Қийин вазиятдан чиқишнинг йўлими бу? Тухфангиз ўзингизга сийлов!!!

Beradigan jazoinglarni berib bo'ldinglar. Kattakoooooon rahmat.
baraka toping.
Keyin bu mani forumga yozgan oxirgi xabarim. Xayr.

[Husen]

Сообщение от Tulqin Eshbekov

1. Вазият тинчигунича (сув тингунича) олисроқ жойларга бориб келиш.

Устоз, Сиз ёзган мана бу усул оммалашмоқда!

Сообщение от Nigora Umarova

Keyin bu mani forumga yozgan oxirgi xabarim. Xayr.

Мен фақатгина модератор Нигора Умарованинг эмас, балки ўқитувчи-мураббий Нигора Умарованинг ҳам жонкуярлик билан билдириладиган фикрларини ўқишни соғиндим!

[Colorado]

Сообщение от Bekmirzo

Wataayyttt Hurmatli starter, siz podaning qaysi qismida yurasiz?

Оффтоп:

Кискагина, биз пода эмас, прайдмиз дейиш урнига политес килиб юрибсиз Бахоингиз +2 :-D)))

[Tulqin Eshbekov]

Сообщение от Colorado

сиз айтган "пода"дан бири менман.

Қадрли Colorado оға!
Ранг кўр ҳол сўр, деганларидек, Сизнинг кўпни кўрган донишмандсифат чеҳрангизни шу форумдаги бир суратингиз орқали кўрмаганимда бу пойинтар-сойинтар гапларингизга ҳатто жавоб ёзишни ўзимга эп кўрмасдим. Илтимос, аввало ўзингизни подага ўхшатиб ерга урманг. starterнинг гапларини холис таржимон орқали русчага таржима қилдириб, қайтадан ўқиб кўринг. У ҳеч кимни ҳақорат ҳам қилмаган, Т.Эшбековни ҳам ортиқча ёқламаган. Бунга ҳожат ҳам йўқ. Мен бировнинг ҳимоясига муҳтож эмасман. Дилимдагини ҳамиша дангал тилимга чиқарганман ва шундай бўлиб қоламан. Нафақат форумда, матбуотда ҳам, кўча-кўйда ҳам эзгулик учун курашган ҳолда битта-яримта ножоиз акаллаганларга нисбатан халқ мақолини айтиб кетавераман. Яъни, ит ҳурар, карвон ўтар! Яна битта зўри бор-у... матбуотда ё форумда ёзиб бўлмайди...

Жаноб starterнинг асосий мақсади: форум ўқувчилари учун сермазмун, долзарб мавзуларда фикрлар ёритиш орқали маънавият нурлари кўпайишига ҳисса қўшиш! У ана шу эзгу мақсадларга чақирган барчамизни!

Сообщение от Colorado

Узбекларда андиша сузи бор

Шуни билсангиз, унинг асл моҳиятини ҳам билиб олинг, отахон! Бу - бир-бирингизга қаттиқ гапиришга ор қилинг, дегани эмас. Ўзбекона андиша замирида олам-олам маъно мужассам. Буни икки энлик хатда тушунтиришнинг имкони йўқ. Яхшиси, иккимиз би-ир "Отахонлар чойхонаси"да ўтириб ошхўрлик қилсак, ўхшатиб тушунтириб қўярдим. Беҳазил айтаяпман. Хоҳлаган якшанбани танлаб, вақтингизни айтсангиз, Себзордан нарироқда жойлашган "Отахонлар чойхонаси"га сизни таклиф этаман.
Тушунмаслик оқибатида starter деган форумдошимизнинг фикрларини нотўғри талқин қилибсиз. У боғдан келса, сиз тоғдан келибсиз. Унинг фикрларини, мақсадини мутлақо тушунмабсиз. Бундай донишмандона гапни аслида сиздан кутиш керак эди. Ёшингиз бир жойга борган, кўпни кўрган, оқ билан қорани ажратадиган одам сифатида таассурот қолдиргансиз. Яна бир бора илтимос, ёшингизга яраша сувни тинитадиган гаплар ёзиш сизга ярашади.

Сообщение от Colorado

Шу ёшга кириб фирибгарликда тутилган одамга кандай муносабат булиши мумкин сизнингча?

Бунақа ҳақоратомуз гапни бошқа ишлатманг, сизга ярашмайди. Шахсан мен ўша ниқобли форумдошларимни (жумладан, сизни ҳам!) фирибгар дейишдан тилимни тияман. Нима керак шунақа ҳақорат? Қари билганни пари билмас, деган мақолга яраша ширин муомала кутамиз сиздан.
Айтдим-ку, мен ниқоблилардан унчалик хафа эмасман. Улар мен учун саҳнада "Ватанга тош отадиган газандалар"нинг ролини чиройли ижро этаётган артистларнинг ўзгинасидир. Бу "ахборот хуружлари"га қарши кураш учулларини ўрганаётган ва ўргатаётган мураббий учун яхшигина амалиёт ва машқ майдонидир.
Ҳаётда эса ўша ноқобли форумдошлар билан биз албатта якдил бўлиб беқиёс ахборот майдонида Ватан шаънини ҳимоя қилишдан умидворман.
Сиздан кўпни кўрган ва яна бир бора узоқни кўраоладиган отахон сифатида меҳр-оқибатли гаплар кутамиз.
Кеча почтамга бир "сиркаси сув кўтарадиган" форумдошимиз таътилдан барвақт қайтганимга норозилик билдириб хат ёзибди. Унга ҳам хўп дедим. Мана, эшикни қулфладим. Ҳозирча хайр...

[Tulqin Eshbekov]

Сообщение от Nigora Umarova

Keyin bu mani forumga yozgan oxirgi xabarim. Xayr.

Азиз Нигорахон! Сиздек оқила форумдошимизни билиб-билмай хафа қилиб қўйганлар учун мен узр сўрашга тайёрман. Фақат бу тарзда "хайр"лашишни хаёлингизга ҳам келтирманг!
Бургага аччиқ қилиб кўрпага ўт қўядиганлардан эмаслигингизни яхши биламан. Юқорида ёзганимдек, форум "саҳнаси"да рол ижро этаётганлар, илмий тилда айтганда, мафкуравий таҳдидларга қарши мафкуравий иммунитет уйғотишга ёрдам бермоқда. Бунинг учун "артист"лардан хафа бўлиш эмас, билъакс, мамнун бўлсак арзийди.
Нима бўлганда ҳам форумдошларимиз - ўзимизникилар! (Адашмаётган бўлсам. Дарвоқе, чиндан ҳам Ватанга тош отадиган газандалар шунақа ниқоб остида орамизга суқулиб кираётган бўлса-я... Майли, назарий ва амалий жиҳатдан унақаларнинг ҳам ковушини тўғрилаб қўйишнинг йўли бор!)
Сизга форумда мудом жавлон уришингизга тилакдошман!

[Tulqin Eshbekov]

Сообщение от Sirim

sizlarning ham sirkangiz suv ko'tarmay qolibdi

Бунақа гапни ёстиқдошим ҳам айтмаганди, тавба...

[Tulqin Eshbekov]

Тузатиш:
юқоридаги постда кетган қуйидаги имловий хатолар:

Сообщение от Tulqin Eshbekov

акаллаганларга

сўзи - "акиллаганларга"

Сообщение от Tulqin Eshbekov

учулларини

сўзи - "усулларини" деб ўқилсин.
Ҳаяжон ичра шошиб ёзганда ўтиб кетган имловий хатоларни тузатишга улгурмай қолгани учун муаллифни тўғри тушунасизлар, деган умиддаман.

[Husen]

Нигора Умарова!
Чегарадан чиқиб кетмадингизми? "Қоидалар барча учун баробар" тамғаси остидаги сабабли-сабабсиз огоҳлантиришлар оқибатида форумдошларни форумдан бездириб қўймаяпсизми? Мисқоллаб йиғилган жамоа ботмонлаб сочилиб кетмасин, тағин! Аввал бошдан Сизни етакчи деб билдик, етакчи эса унга эргашганларни жазолаганда эмас, аксинча ҳимоя қила олгандагина таҳсинга сазовордир!