Dildagi satrlar

[Nigora Umarova]

!!!!! Forumimizning ijodkor yoshlari diqqatiga!!!!
Ijod namunalaringizni to'plab boring. Shu yaqin kunlarda Toshkent shahrimizda ham yosh ijodkorlar uchun "Mahorat maktabi" ochiladi. Maktabda adiblar: she'riyat yo'nalishida -shoira Halima Xudoyberdiyeva va nasr yo'nalishida yozuvchi Tohir Malik saboq beradilar.
Maktabda ta'lim olish uchun ijod namunalaringizni taqdim etishingiz kerak

[Nigora Umarova]

Dardin chetga chiqaradi qaysi sher-
Ota arslon ozganini bildirmas.
Nodon taqdirim o'zim yaratdim der,
Qodir Xudo yozganini bildirmas.

Sirtdan boqsang ko'ngil ovlanaverar,
Shahd oldinga tashlar, dovlanaverar.
Tovus ziynatlanar, tovlanaverar-
Patlarining to'zganini bildirmas.

Esir qanday nonni yetkazadi-yu,
Go'dagiga qanday tutqazadi-yu,
Yesir tunni qanday o'tkazadi-yu,
Yetim qanday o'sganini bildirmas.

Sharq bolasi, mayli yovqur yo daydi-
Botir bo'lsang avval meni yeng, deydi.
Avval oshiq bo'lgan menman men, deydi,
Avval qiz ko'z suzganini bildirmas.

Sharq bolasi,
Yassaviyning bolasi,
Dunyolarni titratsa ham nolasi,
Undan faqat kamsuqumlik olasiz-
Otasidan o'zganini bildirmas.

Halima Xudoyberdiyeva

[Shaxnoza]

Қалбимдан қидир!

Сочимга эрта кун оқ оралади,
Оқ эмас, муҳаббат солган қиров у.
Дилим боғларингдан гул саралади.
Сочимни оқ деган билдим биров у.
Сен ғаним нағмасин тинглама жоним.
Сен билан қалбимда жўш урар қоним.
Билгинки сен билан покдир иймоним,
Мендан юз ўгирма, ўгирма жоним.
Сўзинг ҳақ, бошимда оқ сочим бисёр,
На қилай табиат инъоми шудир.
Сенга ишқим керак бўлса гўзалим.
Оқ сочларимдан эмас, қалбимдан қидир.

[Shaxnoza]

Сообщение от Shaxnoza

Қалбимдан қидир!

Сочимга эрта кун оқ оралади,
Оқ эмас, муҳаббат солган қиров у.
Дилим боғларингдан гул саралади.
Сочимни оқ деган билдим биров у.
Сен ғаним нағмасин тинглама жоним.
Сен билан қалбимда жўш урар қоним.
Билгинки сен билан покдир иймоним,
Мендан юз ўгирма, ўгирма жоним.
Сўзинг ҳақ, бошимда оқ сочим бисёр,
На қилай табиат инъоми шудир.
Сенга ишқим керак бўлса гўзалим.
Оқ сочларимдан эмас, қалбимдан қидир.

Ушбу шеърни таниқли бўлмасада Аъзам Зафар деган шоир ёзган. Бу шеърдан таъсирланган жиҳатим шуки одам қачонлардир қарийди, аммо унинг юрагидан муҳаббат беиз кетмайди. Шунинг учун ёшу қари муҳаббатни қадрлайлик. Муҳаббат ташқи қиёфага қараб эмас, дилдан қалбдан отилиб чиққан ҳис-туйғулар фаввораси эканлигини унутмай хою-хавасларга берилмайлик

[Calina]

Сообщение от Ozoda Umarova

Ахир форум, сизнинг шахсий эсдалик дафтарингиз эмаску, баъзиларга екади, баъзиларга эса йук.

Tugri shaxsiy daftarim emas lekin shunday chiroyli sherlarga chiroyli rang berilsa yaxshi-ku.

[Nigora Umarova]

Kulganimga ishonmang,
dilda qayg'u bir talay,
Kulib-kulib yengarman
dardimni har qalay.
Kulganimga ishonmang,
g'amni aldab yurarman,
Garchi holim neligin
o'zim yaxshi bilaman.
Kulganimga ishonmang,
kuldim dunyo ishimdan,
Tosh chiqadi boy bergan
kambag'alning oshidan.
Kulganimga ishonmang,
alamlarga to'laman,
Xudo xohlagan kuni
kulib turib o'laman.

[Nigora Umarova]

Odat

Nimanidir izlar tinmag'ur Odam,
Zulmatda axtargan kabi ziyoni.
Gohi falaklarga termulsa mubham,
Gohi hasratlarga ko'mar dunyoni.

Olis manzillarga karvonni yo'llab,
Gohida umidbaxsh duolar aytar.
Bizni umr bo'yi tursin deb qo'llab,
Qo'hna qabrlarga sig'inib qaytar.

Bir kun el ichidan chiqdi yovqur zot:
-O, qavmim, zaminga yaragin, dedi.
Sen aql sohibi, Sen zo'r mavjudot,
Oyog'ing ostiga qaragin, dedi.

Garchi qancha tashvish, qancha iztirob,
Qancha xavfu xatar yo'llaringdadir.
Turfa sinovlardan chekasan azob,
Holbuki, barchasi qo'llaringdadir.

Tangri ato etmish senga Tafakkur,
Insholloh, dardlaring topgaydir barham.
Sen davron surg'aysan zamin uzra hur,
Qadaming qo'ygaysan yulduzlarga ham.

Odamlar chuvlashib dedilar:-Rahmat!
Sen bizga eslatding bardosh, sabrni.
Biroq tarqalishdi o'tmayin fursat,
Axtarib ketdilar yangi qabrni.

24.01.2009.
Abdulla Oripov

[Umida Shodiyeva]

Tinchlik
Tinchlik uchun kurashdilar Cho'lponlar,
Totuvlik deb o'ylashdilar Amirlar.
El-yurt jon fidolar shahidlar,
Xalqim uchun kurashganlar ul zotlar.

Mana bu kun erkin bo'lding ,ey ona yurtim,
Quyosh kabi porla endi ,so'nma gul yurtim.
Tinch yo'lingda so'kin o'tsin hayoting elim,
Chinorlar mingni ko'rgan Jannatmakonim.
Umida

[Nigora Umarova]

Aldanma, g'unchani mazluma peshlab,
U ham o'z koriga yuribdi ishlab.
Zahar bo'lmasaydi qonida agar,
Turarmidi tanida tikoni nishlab?..

Zebo Mirzo

[Masud Mahsudov]

Қўйгил, у кунларни эслатма менга,
Қалбимни ёқмасин бу хазон фаслинг.
Энди бегонаман,жонгинам, сенга,
Энди бегонадир менга ҳам васлинг.

Гоҳида севиниб, гоҳи ғамдадир,
Ишқ узра ёзардим мен эркин қанот.
Билмайман, қайси кун, қайси дамдадир,
Менинг қисматимга чанг солди сайёд.

Унинг қўлидадир бу кун имконим,
Бу кун ҳамроҳимдир гўзал изтироб.
Қўйгил, у кунларни эслатма, жоним,
Қўйгил, юрагимга сен берма азоб.

Ўзгалар ҳолимга боқса ҳам ҳайрон,
Фақат сен томоша қилма ҳолимни.
Фақат сен шеъримни суйма ҳес қачон,
Фақат сен ҳимоя қилма номимни.

Дариғ тут ишваю назокатларинг,
Фақат сен юзимга боқмагин кулиб.
Ҳайхот, энди барча илтифотларинг
Менга туюлади масхара бўлиб.

Abdulla Oripov