Aql yoki Omad?

[UzVersace]

Inson hayotga kelibdiki savollarga javob qidiradi,lekin shunday savollar borki,u savolga hali javob yo'q.Aziz forumdosh nima deb o'ylaysiz bu hayotda nima muhimroq aql yoki omad,fikrlaringiz uchun rahmat.

[Mahmud Jurat]

bu hayotda nima muhimroq aql yoki omad,

АҚЛ

[Anvar Atakhanov]

Акл, омад йук нарса, зеро Аллох томонидан берилган кандайдир бир мукофотни биз омад келди деб уйлаймиз.

[Elise]

Ақлнинг баҳоси ҳаракатсиз бир тийин. Ҳаракат бўлса, омад ҳам келади.

[OmoN]

омад йук нарса, зеро Аллох томонидан берилган кандайдир бир мукофотни биз омад келди деб уйлаймиз.Балки ўша мукофотни биз омад деб атармиз?
2003 йили университетни битириб магистратурага топширдим. Албатта киролмадим (тўғрироғи контракт кирдим). Иш излаб 2 ой сарсон бўлдим. Кейин қаердандир Молия вазирлигининг Ахборот Ҳисоблаш Марказининг телефон рақамларини топиб олдим. Қўнғироқ қилиб иш сўрасам как раз программист кераклигини айтиб қолишди. Суҳбатга бордим, берилган топшириқни бажардим (бу ёғи уже ақлнинг иши) ва ишга қабул қилиндим. Айнан программист керак пайтида телефон қилганим менимча омадим келгани бўлса керак.

[Anvar Atakhanov]

Ҳаракат бўлса, омад ҳам келади.
Айнан программист керак пайтида телефон қилганим менимча омадим келгани бўлса керак.
Ким менга омад нималигини батафсилрок, далиллар билан тушунтириб бера олади?

[Abdurohman]

OmoN,бек, сир булмаса хозир хам Молия вазирлигининг Ахборот Ҳисоблаш Марказида ишламокдамисиз? Онлайн хисоботларга алокангиз борми?!

[Shokir Dolimov]

омад йук нарса
Шунга қарамай, откриткалар матнида бир-биримизга омад тилаб қоламиз :)

[Anvar Atakhanov]

Шунга қарамай, откриткалар матнида бир-биримизга омад тилаб қоламиз
хэхе, одат булиб колган, автопилотда ёзилиб кетади...

[UzVersace]

Qayyerdadir o'qigandim.
Bir kun aql bilan omad bahslashib qolibdi qaysi birimiz kuchlimiz deb.Shunda omad aytibdi 'men bir odamga o'zimni omadimni beraman,faqat sen undan aqlini olib turasan' desa aql rozi bo'libdi.Omad qidirib bir o'rmonchini topibdi va unga omad beribdi,aql esa undan aqlini olib qo'yibdi.O'rmonchi o'sha kundan qanday ish qilishni bilmay o'zicha yer qazir,daraht kesar ekan.Bir kuni u yer qazib katta olmoz topib olibdi,yorqinligidan butun o'rmo yorishibdi,shunda o'rmonchi uni 'yertolamni yoritib turadi' deb yertolaga qo'yibdi.Kunlar otibdi,bir kuni uni yoniga odam kelibdi va o'rmonchiga 'men podshohdan qochib keldim,meni ishga ol' deb o'rmonchiga ishga yollanibdi.Kunlardan bir kuni u yerto'laga tushib olmosni ko'rib o'rmonchiga 'agar izn bersang umringni ohirigacha boy badavlat yashaysan' deganda o'rmonchi rozi bo'libdi.Shunda o'sha kishi podshoni yoniga boribdi,soqchilar uni ushlab podshoni yoniga olib boribdi.'Sen nega meni aldab ketding,seni qatl etishadi',kishi podshoga 'Men bir olmos topdim,uni sizga berishga ahd qildim,meni balkim kechirarsiz deb,uni qayyerdaligini faqat meni kechirsangiz aytaman','mayli seni kechirganim bo'lsin qayyerda,'o'rmonda bir o'rmonchi bor,undan olmosni olishingiz uchun qizingizni berasiz' deganda podsho rozi bo'libdi.O'rmonchini to'y kuni kiyintirib ,uni chimildiqqa kirgazib yuborishibdi,o'rmonchi qizga mayus qarab nima qilishni bilmabdi,undan aql aqlini olib qo'yganda.O'rmonchi shunda oynani yoniga borib endi o'zini tashlayman deganda,omad aqlga qarab 'aql men yengildim uni qutqar' debdi,shunda o'rmonchiga aql kiribdi,keyin qizga qarab 'bugun ikkita yorqin yulduzni ko'rib turibman,biri osmonda,biri yonimda'...
Endi savol agar aql bo'lganda o'rmonchi hech qachon podshoni qiziga yetisha olmasligini bilar edi,lekin omad tufayli bunga erishdi.

[workerbeeviii]

Inson hayotga kelibdiki savollarga javob qidiradi,lekin shunday savollar borki,u savolga hali javob yo'q.
Нега жавоб йўқ экан? Сиз аввал топган саволингизнинг аҳволини қаранг. Ақл ёки омад? Шуям гапми? Сизнинг саволингиз "Қўл ёки оёқ?", "Қулоқ ёки бурун?", "Мия ёки юрак?" каби аҳмоқона саволлардан хеч ҳам фарқ қилмайди. Бунақа савол бериб мавзу очишингиздан мақсад нима? Ақл ёки омад танлови олдида туриб қолдингизми? Масалан, бир овоздан "Омад" деб қичқирсак, ақлингиздан воз кечиб, омадга таяниб яшашни бошлайсизми? Иккаласи бошқа-бошқа нарса бўлса, ақл ҳам, омад ҳам сув ва ҳаводек зарур бўлса. Бунақанги беъмани саволларга "Inson hayotga kelibdiki savollarga javob qidiradi,lekin shunday savollar borki,u savolga hali javob yo'q" деб таъриф беришингиз умуман нотўғри, мана сизга (http://ru.wikipedia.org/wiki/%D0%9E%D1%82%D0%BA%D1%80%D1%8B%D1%82%D1%8B%D0%B5_% D0%BC%D0%B0%D1%82%D0%B5%D0%BC%D0%B0%D1%82%D0%B8%D1 %87%D0%B5%D1%81%D0%BA%D0%B8%D0%B5_%D0%BF%D1%80%D0% BE%D0%B1%D0%BB%D0%B5%D0%BC%D1%8B) жавоби (ечими) йўқ саволлар.

Qayyerdadir o'qigandim. Bir kun aql bilan omad bahslashib qolibdi qaysi birimiz kuchlimiz deb...
Аудиториясини боғча болалари ташкил этадиган бетайин эртаклар китобида ўқигансиз (болалар учун мўлжалланган кўпгина эртаклар бир тийинга қиммат, тарбиявий, ғоявий жиҳатдан зарарли, баъзиларида эротика элементлари учраб туради). Мен фақат бир нарсани тушунмадим, бу ерга эртак мазмунини ёзишингиздан мақсад нима эди? Эртак воситасида бизга ақл, ақлли бола бўлиш, дарсларни пухта ўзлаштириш инсон ҳаётида нечоғли муҳим аҳамиятга эга эканлигини тушунтиришми? Қаердалигингизни унутиб қўймадингизми? Кап-катта ҳўкиздай одамлар аввало амалий (прикладной) аҳамиятга эга саволлар устида бош қотириши керак (сизнинг саволингиз амалий аҳамиятга эга эмас), иннанкейин предмет ҳақида тушунчага эга бўлиш керак (одамлар, айниқса аёллар юқори материялар ҳақида "бош қотириш" ни яхши кўришади, 5-6 сониягина ўйлаб, предмет ҳақида хашаки фикрлар ёзиб қўя қолишади). Психиатрия/психология ва бошқа фанларга мурожаат этиб ақл, онг, интеллект нима эканлигини, уларни фарқлай олишни билиб олсангиз; инсон миясида содир бўладиган жараёнлар ҳақида юзаки бўлса ҳам илмий(!) тушунчага эга бўлиб олсангиз, бу ердаги хашаки фикрларни ўқиганингиздан кўра фойдалироқ бўлади сиз учун. Чунки сизда кўп йиллик(!) илмий(!) изланишлар (тажрибалар!!!) маҳсули бўлган фактлар, тушунча бўлади. Бу ердачи? Бу ерда нари-борса 1-2 дақиқа (аслида кўпчилик учун 5-6 сония бўлса керак) ўйлаб, ақл, онг, интеллект ва бошқа нарсаларни бир-бири билан адаштириб/чалкаштириб юборилган, шунчаки гап сотиш учун ёзилган хашаки фикрларни ўқишингиз мумкин бўлади менимча. Асосланган фикрларни бу ерда топа олмайсиз, инсон миясида содир бўладиган жараёнлар бу сизга кулинария эмас, кўпчилик аниқ тасаввурга эга бўлмаган мавзу, асоссиз ва хато фикрлар кўп учрайди одамлар орасида. Омад ҳақида ҳам шу фикрни айтиш мумкин, омад билан муваффақият (кўпчилик битта нарса деб ўйлайди) орасидаги фарқни тушуниб олсангиз, статистика, математика (эҳтимоллар назарияси) га мурожаат этсангиз, ундан кейин жиддий аналитика билан шуғуллансангиз, ана ундан кейингина "Ақл ёки омад?" деган саволнинг илмий асосланган жавобини бизга келтиришингиз мумкин. Лекин бу ҳаммаси сизга керакми бошқа қиладиган ишингиз йўқми?
Кузатишлардан маълумки, форумда берилган савол (муаммо) амалий аҳамиятга эга бўлмаса, жавоблар илмий/предмет жиҳатдан саёз ва савияси паст бўлади. Яққол мисол, дин ва сиёсат ҳақидаги мавзулар.

[Gulchehra Ibragimova]

Ҳақиқатдан ҳам мавзу ғалати саволнинг қўйилиши ҳам: "Ақл ёки омад"...

Менга ақл керакмас, омад бўлса бўлди, ёки менга омад керакмас, ғирт жинни бўлсам ҳам омадим бўлса бўлдиhttp://uforum.uz/images/icons/icon12.gif, дейиш керакмиди жавобига?

Мақсад тўлиқ очилмаган..аммо (ҳайвондан айро ҳолда) инсонга аввало ақл ва онгнинг ато этилишининг ўзи унинг бахту омади эмасми?!

Худо агар инсонни ақлдан қисмаган бўлса, ўша омадга ҳам қолганига ҳам ўзининг билими, онг ва тафаккури орқали эришади-кў?!

Ақли ноқисликдан ўзи асрасин ...

[Nigora Jumaeva]

Инсонга омад ҳам, ақл ҳам керак. Омад келганда ундан тўғри фойдаланиш учун ақл жуда зарур.

[Hero]

Инсонга омад ҳам, ақл ҳам керак. Омад келганда ундан тўғри фойдаланиш учун ақл жуда зарур.

Juda zo'r fikr lekin ko'pincha omadga ishonaman

[Genmoc]

Manimcha ikkalasi ham bo'lishi kerak, aql bo'lgan bilan omad bo'lmasa ham qiyin, lekin omad bo'lib aql bo'lmasa ham bazi joylarda uyalib qoladi kishi, Har soxadan bir shingil deganlariday aql ham omad ham bo'lishi kerak manimcha, lekin ko'p insonlar aql bilan erishgan narsasiga ham omadim keldi deyishadi.

[Hero]

lekin omad bo'lib aql bo'lmasa ham bazi joylarda uyalib qoladi kishi,

Буни таваккалчилик дейишади.

[Genmoc]

O'ychi o'yini o'ylaguncha tavakkalchi ishini bitiradi, hayotda tavakkal ham qilib turish kerak, lekin hamma soxada ham tavakkal qilishni tavsiya qilmayman.

[Shahodat]

Афанди айтгандай:"Кимга нима етмаса ушани сўрайди."

[Shokir Dolimov]

Афанди айтгандай:"Кимга нима етмаса ушани сўрайди."

Латифанинг тўлиқ матнини келтирсангиз, илтимос.

[Mirjahon Imomov]

Латифанинг тўлиқ матнини келтирсангиз, илтимос. Факат бу мавзу торлик килади латифага.:buba:

[Shokir Dolimov]

Латифанинг тўлиқ матнини келтирсангиз, илтимос. Факат бу мавзу торлик килади латифага.:buba:
Аксинча, мавзу жуда кенг :) . Зеро, ақлни ҳам, омадни ҳам қаричлаб ўлчаб бўлмайди. Мавзуда келтирилган айрим хабарлар бунинг яққол далилидир.