Ўзбек алласи

[Elise]

Маълумки, алла куйлари ўзбек халқ ижодида узига ҳос ўрин эгаллайди.

Эсимда, кичкиналигимда ҳовлимизда биттагина тулқинга мослашган радио бўларди. Чироқ ўчса ҳам ишлайверарди. Кеч соат тўққизларда Ҳабиба Охунованинг алласи янграр эди. Чироқ учганда кўзимни юмиб эшитганимда, янада сеҳрли туюларди. Бугун қидириб топиб, кун бўйи эшитибман. Фарзандли бўлгандан сўнг, болаликдаги алларни тинглаш янада мароқли бўлар экан.

Алла айтай, жоним болам, қулоқ солгин, алла
Ширин аллам тинглаб аста, ухлаб қолгин, алла
Кўзларинга томган сувга ҳайрон бўлма, алла-я
Бахтимга сен катта бўлгин, ҳазон бўлма, алла

Истиқболинг порлоқ сени, жажжигинам, алла-я
Бахтимга сен катта бўлгин, ҳазон бўлма, алла

Севганимдан ёдгоримсан, олтин қўзим, алла-ё
Мен шўрликдай тўкилмагин, кўрар кўзим, алла

Алла, алла, алла-ё

Матн ҳатоликлари учун олдиндан узр. Қўшиқни тинглаб, биррови матнини ёзишга ҳаракат қилдим.

Бу мавзуда ёдимизда қолган аллалар билан бўлишсак дегандим.
Мисол учун, яна бир аллани ҳеч тополмаяпман. Матни "Алла, болам, аллаларга мухтож болам" миди... Эсимда йўқ. Лицейда ўқиганимизда синфдошим бирам чиройли куйларди шу аллани. Ҳозиргача қулоғимда. Афсуски, интернетда тополмадим. Синфдошимдан ҳам сўраб олиш имкони йўқ...

[AbdulAziz]

Mana yana bir versiyasi:

Alla aytay, jonim bolam,
Quloq solgin, alla.
Shirin allam tinglab asta
Uxlab qolgin, alla.

Yuzlaringga tomga suvga
Hayron bo’lma, alla-yo,
Baxtimga sen katta bo’lgin
Xazon bo’lma, alla.

Istiqboling porloq sening
Jajjiginam, alla-yo,
Baxtimga sen katta bo’lgin
Xazon bo’lma, alla.

Sevganimdan yodgorimsan
Oltin qo’zim, alla-yo,
Men sho’rlikday to’kilmagin
Ko’rar ko’zim alla.

Alla-yo, alla.

[AbdulAziz]

Yana bir alla matni:

Alla aytay, jonim bolam, orom olgin, alla,
Qo'zichog'im, tinglab nolam, uxlab qolgin, alla.
Onang so'zin tingla bolam, quloq solgin, alla,
Mayli, olim bo'lma, ammo odam bo'lgin, alla.

Ko'zim nuri, ko'zlarimni nurin olgin, alla,
Baxtimga tez katta bo'lgin, omon bo'lgin alla.
Mehrim senda, kamolingni tinglar qalbim, alla
Buloqdek jo'sh, maysalardek tez ulg'aygin, alla.

Onang ko'zi ko'zlaringga ziyo bo'lsin, alla,
Otang so'zi so'zlaringga dunyo bo'lsin, alla.
Toqatli bo'l, otangdayin mard o'g'lon bo'l, alla
Yurtingni sev, xalqing uchun qalqon bo'lgin, alla.

[Masud Mahsudov]

Mana, yuqoridagi Allaning Xabiba Ohunova va Zulayho Boyhonova ijrosidagi versiyalari... Qachonlardir saqlab qo'ygan ekanman, bisotimdan zo'rg'a qidirib topdim ;-)


http://www.megafileupload.com/en/file/282291/Alla-mp3.html

http://www.megafileupload.com/en/file/282295/Alla-Zulaykho-B-mp3.html

P.S. Negadir forumning o'ziga upload qilolmadim :(

[Nargiza Saidova]

Бу мавзуда ёдимизда қолган аллалар билан бўлишсак дегандим.
бувимлар айтардилар:
ухла эй кузим
тинчинг ол ётиб
хали бир пасда
колар тонг отиб (эсимда колгани шу)

Яна адамлар хам уз аллаларини тукигандилар:
оббо десамо
ухлаб косино (ухлаб колгунгача кайтарилади) :)

[Nigora Umarova]

Жонимнинг жиндалаги, алла,
Қовуннинг ҳандалаги, алла,
Гуллар ичида ғунчаси, алла,
Нонлар ичида кулчаси, алла.

Ўргилайин ўзингдан, алла,
Шамчироқдек кўзингдан, алла,
Оби-новвот томчилар, алла,
Буви деган сўзингдан, алла,

Ойни олиб берайми, алла,
Кунни олиб берайми, алла,
Беланчагинг бошига, алла,
Сара гуллар терайми, алла,

Алла дейин, ўпайин, алла,
Қиёсингни топайин, алла,
Тилинг чиқиб “нон” десанг, алла,
Кунда кулча ёпайин, алла.

Қизил гул новдасидан, алла,
Камар қилай белингга, алла,
Сочларим толасидан, алла,
Боғич қилай тўнингга, алла.

Олма берсам, олақолсин, алла,
Беҳи берсам еяқолсин, алла,
Дўмбоғимга алла айтсам, алла,
Тезроқ ухлаб қолақолсин, алла,

Ҳозир даданг келади, алла,
Ойни олиб келади, алла,
Дўмбоқларимга деб-о, алла,
Қўйнига солиб келади, алла.

Алла, алла, оппоғим, алла,
Гул ичида япроғим, алла,
Қизил гулнинг бутоғи, алла,
Онанг шунинг адоғи, алла.

[Nigora Umarova]

Болагинам боласи, алла,
Қантак ўрик донаси, алла.
Қантдан ҳам ширин экан, алла,
Болагинамнинг боласи, алла.

Боғда узумнинг ғўраси, алла,
Тоғда кийикнинг боласи, алла.
Дўпписида уккипари, алла,
Бу кимнинг невараси, алла.

Асака йўли тўп чинор, алла.
Болалар отини қамчилар, алла.
«Буви» деган тилингдан, алла,
Обиноввот томчилар, алла.

Алла, алла аҳди бор, алла,
Ётадиган тахти бор, алла.
Отаси бору, онаси бор, алла,
Шу боламнинг бахти бор, алла.

Оймома юзинг, алла,
Юлдузлар кўзинг, алла.
Ота-онанг гул бўлса, алла,
Ғунчаси ўзинг, алла.

Тоғдаги гулим, алла,
Уйдаги булбулим, алла.
Онаси япроғим, алла,
Боласи юмшоғим, алла.

Олмалардан бешиги, алла
Олиб қўйсин отаси, алла.
Беҳилардан бешиги, алла.
Белаб қўйсин бувиси, алла.

Аллалари ёдимда, алла.
Беланчаги ёнимда, алла,
Момоси алла айтар, алла,
Неварасин отиндан, алла.

[Nigora Umarova]

ЎРГИЛАЙИН ЎЗИНГДАН

Ўргилайин ўзингдан, алла,
Шамчироқдек кўзингдан, алла.
Обиноввот томчилар, алла,
«Буви» деган сўзингдан, алла.

Айланайин қароғим, алла,
Уйда ёнган чироғим, алла.
Дўстим кўрса, ярашиб, алла,
Душманимга яроғим, алла.

Қалам-қалам қошингдан, алла,
Қаландарлар айлансин, алла.
Хумор-хумор кўзингдан, алла,
Хуморалар айлансин, алла.

Чимчилаб қўйган бурнингдан, алла,
Чимқўрғонликлар айлансин, алла.
Ангишвонадек оғзингдан, алла,
Аровонликлар айлансин, алла.

Қўлвоғингнинг қатидан, алла,
Қўнғирот эллари айлансин, алла.
Тўшагингнинг тахидан, алла,
Туркман эллари айлансин, алла.
Бешигингнинг бандидан, алла,
Боғдод эллари айлансин, алла.

Ўрик ёрочдан бешигинг, алла,
Ўргилаб кетсин онанг, алла.
Тут ёгочдан бешигинг, алла,
Термулиб ўтсин онанг, алла.

Жийдалардан бешиги, алла,
Жирканмасин опаси, алла.
Ўриклардан бешиги, алла,
Ўйнатади акаси, алла.

Бабалаки бўпписи бор, алла,
Бошчасида дўпписи бор, алла.
Кайвони бувиси бор, алла,
Саркори буваси бор, алла.

[Nigora Umarova]

ҲОЗИР ДАДАНГ КЕЛАДИ

Ҳозир даданг келади, алла,
Олма олиб келади, алла.
Болаларимга деб-о, алла,
Қўйнига солиб келади, алла.

Шу боланинг дадаси, алла,
Мирпўстиннинг садаси, алла.
Кўзлари хумор-хумор, алла.
Тўнларига кўз тумор, алла.

Тол ёрочдан бешиги, алла,
Талпинса, олар дадаси, алла.
Қайрағочдан бешиги, алла,
Қийқирса, олар дадаси, алла.

Алла, жоним ҳадирса, алла,
Отаси бозор борса, алла.
Биқин-биқин гўшт олса, алла,
Ёғ-ёғини едирса, алла.

Ҳавода учган турналар, алла,
Бошгинамдан ўтсалар, алла.
Қанотига хат ёзсам, алла,
Дадажонингга элтсалар, алла.

Суқсур деган қуш бўлар, алла,
Тортсам, пати бўш бўлар, алла.
Отангадан хабар келса, алла,
Менинг кўнглим хуш бўлар, алла.

Қизил гулдай очилгин, алла,
Писта-бодомлар чаққин, алла.
Даданг ишдан келганда, алла,
Олдига чопиб чиққин, алла.

Ҳозир даданг келади, алла.
Ойни олиб келади, алла.
Думбоқларимга деб-о, алла,
Қўйнига солиб келади, алла

[Nigora Umarova]

Ойни олиб берайми, алла,
Кунни олиб берайми, алла,
Беланчагинг бошига, алла,
Сара гуллар терайми, алла?

Алла, дейин, ўпайин, алла,
Қиёсингни топайин, алла.
Тилинг чиқиб «нон» десанг, алла,
Кунда кулча ёпайин, алла.

Олтин бешик олдирай, алла,
Кумуш бешик олдирай, алла.
Болагинам тагига, алла,
Бахмал тўшак солдирай, алла.

Онаману онаман, алла,
Болам учун ёнаман, алла.
Болам тинчликда ўсса, алла.
Орзуларга қонаман, алла.

Қизил гул новдасидан, алла.
Камар қилай белингга, алла.
Сочларим толасидан, алла,
Боғич қилай тўнингга, алла.

У ёнимга қўяйин, алла,
Бу ёнимга қўяйин, алла.
Гулдек ширин исингни, алла,
Ҳидлаб-ҳидлаб тўяйин, алла.

Алла айтсам яйрайсан, алла,
Кулиб-кулиб қарайсан, алла.
Полвон қилиб ўстирсам, алла,
Бир кунимга ярайсан, алла.

Жонимнинг учи, болам, алла,
Меҳримнинг кучи болам, алла.

[Nigora Umarova]

Оқ, узум, оппоқ, узум, алла,
Ёшига етди қизим, алла.
Юзларга кирсин гул юзим, алла,
Эркалаб ўстирай ўзим, алла.

Қизил гул тизим-тизим, алла.
Иккига кирсин қизим, алла.
Қошлари қундузгина, алла,
Бунча ширин бу қизгина, алла.

Асадда гулнинг жамоли, алла,
Бошида ипак рўмоли, алла.
Узоқлардан кўринсин, алла,
Шу қизимниг жамоли, алла.

Майин сочинг тарайин, алла,
Майда қилиб ўрайин, алла.
Парилардай келин бўлгин, алла,
Туйларингни кўрайин, алла.

Тўйлар келсин тойи билан, алла,
Осмондаги ойи билан, алла.
Ўраб-чирмаб берайлик, алла,
Атласу шойи билан, алла.

Боғда сайрайди каклик, алла,
Оёқлари пўпаклик, алла.
Қизимга сеплар тикай, алла,
Бари тоза ипаклик, алла.

Менинг болам ёшгина, алла,
Ёнимда йўлдошгина, алла.
Қаршидан совчи келса, алла,
Бўлади талошгина, алла.

Алла айтай адида, алла,
Сув келтирсин кадида, алла.
Кади боғи узилсин, алла,
Келин бўлиб сузилсин, алла.
Ипак бўлиб эшилсин, алла,

[Nigora Umarova]

Алла болам, алла,
Гулу лолам, алла.
Овунчоғим, алла,
Талпинчоғим, алла.

Алла, алла, армоним, алла,
Қизил гулим, хирмоним, алла.
Алла қилсин шу жоним, алла,
Жонгинамга дармоним, алла.

Алла, алла, гавҳар ҳизим, алла,
Овунчоғим, ой-юлдузим, алла.
Мен сенинг онанг муштипар, алла,
Сенсан менинг икки кўзим, алла.

Шу ўғлим бир қизил гулдир, алла,
Гулга қўнган булбулдир, алла.
Қизил гулим сўлмасин, алла,
Шугинагинам ўлмасин, алла.

Боғимнинг гули учгина, алла,
Учаласи ҳам кичкина, алла.
Кичкинасан, лоласан, алла,
Қачон катта бўласан, алла.

Алла дейман – боқаман, алла,
Чаккангга гул тақаман, алла.
Балиқ бўлиб шўнғисанг, алла,
Дарё бўлиб оқаман, алла.

Алла десам, ярашсин, алла,
Бўйингга гул ўрашсин, алла.
Атласдан тўнлар тиксам, алла,
Чин бўйига ярашсин, алла.

Эй ёронлар, ҳеч кимнинг, алла,
Боғда гули сўлмасин, алла.
Боғда гули сўлса, сўлсин, алла,
Ҳаргиз боласи ўлмасин, алла.

[Nigora Umarova]

Қўзим ўсиб қўй бўлсин, алла,
Тўплаганим тўй бўлсин, алла.
Тўйлар тўйга улансин, алла,
Давлат келиб ўралсин, алла.

Тоғлар боши қормиди, алла,
Бешиклари тормиди, алла.
Узоқ-узоқ жойларда, алла,
Бахшидаси бормиди, алла.

Алла дейман, ***, дейман, алла,
Шу ўғлимга тўй дейман, алла.
Тўйларини элим есин, алла,
Дуолари бунга тегсин, алла.

Карнай чалиб тўй берай, алла,
Сурнай чалиб тўй берай, алла.
Ўғилжонм тўйига, алла,
Уч-тўрт қўра қўй берай, алла.

Тасма тасаддук, бўйига, алла,
Ўйинчи келсин тўйига, алла.
Юзлари оппоққина, алла,
Лаблари қаймоққина, алла.

Халқадор қозон тўйингга, алла,
Маст бўлай ўзим бўйингга, алла.
Чарх урсину айлансин, алла,
Ишвакор жонон туйингга, алла.

Томга сепдим седона, алла,
Териб есин бедона, алла.
Беда боғи узилсин, алла,
Куёв бўлиб сузилсин, алла.

Алла дейман, ҳақ дейман, алла,
Ҳақдан тилагим кўпдир, алла.
Етказса тилагимга, алла,
Ўлсам армоним йўқдир, алла.

[Nigora Umarova]

Олма берсам, олақолсин, алла,
Беҳи берсам, еяқолсин, алла.
Дўмбоғимга алла айтсам, алла,
Тезроқ, ухлаб қолақолсин, алла.

Алла, алла, аҳди бор, алла.
Ҳар нарсанинг вақти бор, алла.
Аллалар айтай вақтида, алла,
Ухлаблар қолсин тахтида, алла.

Алла, алла, алла-ей, алла,
Ҳозир ишлашга пала-ей, алла.
Йиғим-теримни олиб, алла,
Кейин қиламиз ялла-ей, алла.

Алла десам, боқармисан, алла,
Тол таёғин тоқармисан, алла.
Элнинг қўйини боқиб, алла,
Элатингга ёқармисан, алла.

Алла, алла, омон бўл, алла,
Дардли қулга дармон бўл, алла.
Алла, алла, ораста, алла,
Гуноҳи йўқ, нораста, алла.

Фарзандли уйга ёғар раҳмат, алла,
Фарзандсизлар чекар заҳмат, алла.
Қиз – дунёнинг зеб-зийнати, алла,
Ўғил хонадоннинг давлати, алла.

Суянсанг, сўрилар бўлай, алла,
Ўт ёқсанг, мўрилар бўлай, алла.
Бошингда парвонанг бўлиб, алла,
Уйингда чўрилар бўлай, алла.

Ўсмалар сиқай қошингга, алла,
Дўппилар тикай бошингга, алла.
Аллалар айтиб ухлатай ойимчани, алла,
Бешикка солиб тебратай бегимчани, алла.

[Nigora Umarova]

Алла, алла, оппоғим, алла,
Гул ичида япроғим, алла.
Кизил гулнинг бутоғи, алла,
Онанг шунинг адоғи, алла.

Ўзинг гулзор боғимсан, алла,
Суянишга тоғимсан, алла.
Қоронғу кечаларда, алла,
Ёндирган чироғимсан, алла.

Сутдан оппоқ, гулдан ислим, алла,
Бу дунёда йўқдир мислинг, алла.
Ўғилларимнинг султони, алла,
Сенга тасаддуқ. шу жоним, алла.
Орзуларим олтин тожи, алла,
Менинг жоним – шунинг божи, алла.

Алла, болам – бозорим, алла,
Диққат бўлсам, ёзарим, алла.
Ухла, кўзи хуморим, алла,
Ором ол, беозорим, алла.

Оқ шоҳидан рўмолим, алла,
Оқ юзингни артайин, алла.
Чўлпон кўзингни юм қўзим, алла,
Сенга алла айтайин, алла.

Боғимдаги гул-ғунчам, алла,
Ухлаб олсин тўйгунча, алла,

Кўк гули юлдузгина, алла,
Ой ёруғ ёлғизгина, алла.
Ой – юзи, юлдуз – кўзи, алла,
Мунча ширин бу қизгина, алла.

Алла, алла оппоғим, алла,
Гул ичида япроғим, алла.
Япроқлари сўлмагай, алла,
Паймонаси тўлмагай, алла.

[Nigora Umarova]

Алла, алла, алванти, алла,
Сочинг дарёлар банди, алла.
Лабинг ҳалволар қанди, алла,
Ўзинг кимнинг фарзанди, алла.

Гули чорбоғимдурсан, алла,
Суянган тоғимдурсан, алла.
Дилимдаги ҳимматимсан, алла,
Оғзимдаги новвотимсан, алла.

Қизил гулнинг хирмонисан, алла,
Жонгинамнинг дармонисан, алла.
Булбулгинам, алла қилгин, алла,
Гул умримнинг армонисан, алла.

Алла, алла, ойдин яхши, алла,
Қайғу-ғамдан шодлик яхши, алла.
Беқадр қариндошликдан, алла,
Қадр билган ётлик яхши, алла.

Олтин сирға, кумуш сирға, алла,
Одамдан қолур дунё, алла.
Ростгўй бўлсанг, мард бўлсанг, алла,
Менга шу молу дунё, алла.

Дарё сувга тўлаётир, алла,
Ўғлим менга кулаётир, алла.
Ўғлим менга қараб кулса, алла,
Кўнглим нурга тўлаётир, алла.

Алла айтсам, бор бўлсин, алла,
Қўйни тўла нор бўлсин, алла.
Қўйнидаги норига, алла,
Авлиёлар ёр бўлсин, алла.
Авлиёлар ёр бўлиб, алла,
Пирлар мададкор бўлсин, алла.

Ғаму ҳасрат бўлмасин, алла,
Гул юзинг ҳеч сўлмасин, алла.
Қадамингдан гул унсин, алла,
Алам, кулфат кул бўлсин, алла.

[Nigora Umarova]

Айланайин алласи, алла,
Қачон тегар фойдаси, алла.
Қароғим катта бўлса, алла,
Шунда тегар фойдаси, алла.

Улғай болам, гул Ватанда, алла,
Ботир бўлиб ўсгил, қўзим, алла.
Сени кўриб, бу чаманда, алла,
Яйраб қувонай, юлдузим, алла.

Кўз тутар халқ, бутун ўлка, алла,
Келажагим, орзум деб, алла.
Ўсиб, бурка уни гулга, алла,
Катта бўлгач, қарзим деб, алла.

Алла болам, шер экан, алла,
Уруш қурсин, дер экан, алла.
Уруш бўлган жойларда, алла,
Полвонлардан зўр экан, алла.
Тоғларни тешиб йўл қилсин, алла,
Душманларни кул қилсин, алла.

Болажоним бағримда, алла,
Эркалайман яйратиб, алла.
Ватанимнинг боғида, алла,
Булбул қушдек сайратиб, алла.

Кўчаларда ўйнаб юрсин, алла,
Мактабларда ўқиб келсин, алла.
Муллою мударрис бўлсин, алла,
Мартабаси улуғ бўлсин, алла.

Ҳали тонг отмагандир, алла,
Юлдузлар ботмагандир, алла.
Боғимдаги гул-ғунча, алла,
Ухлаб олсин тўйгунча, алла.

Анди бор-о, анди бор, алла,
Лабида шакар қанди бор, алла.
Томоғининг тагида, алла,
Тилла хапаванти бор, алла.

[Nigora Umarova]

Алла, алла, алванти, алла,
Сочинг дарёлар банди, алла.
Лабинг ҳалволар қанди, алла,
Ўзинг кимнинг фарзанди, алла.

Гули чорбоғимдурсан, алла,
Суянган тоғимдурсан, алла.
Дилимдаги ҳимматимсан, алла,
Оғзимдаги новвотимсан, алла.

Қизил гулнинг хирмонисан, алла,
Жонгинамнинг дармонисан, алла.
Булбулгинам, алла қилгин, алла,
Гул умримнинг армонисан, алла.

Алла, алла, ойдин яхши, алла,
Қайғу-ғамдан шодлик яхши, алла.
Беқадр қариндошликдан, алла,
Қадр билган ётлик яхши, алла.

Олтин сирға, кумуш сирға, алла,
Одамдан қолур дунё, алла.
Ростгўй бўлсанг, мард бўлсанг, алла,
Менга шу молу дунё, алла.

Дарё сувга тўлаётир, алла,
Ўғлим менга кулаётир, алла.
Ўғлим менга қараб кулса, алла,
Кўнглим нурга тўлаётир, алла.

Ғаму ҳасрат бўлмасин, алла,
Гул юзинг ҳеч сўлмасин, алла.
Қадамингдан гул унсин, алла,
Алам, кулфат кул бўлсин, алла.

[Nigora Umarova]

Айланайин алласи, алла,
Қачон тегар фойдаси, алла.
Қароғим катта бўлса, алла,
Шунда тегар фойдаси, алла.

Улғай болам, гул Ватанда, алла,
Ботир бўлиб ўсгил, қўзим, алла.
Сени кўриб, бу чаманда, алла,
Яйраб қувонай, юлдузим, алла.

Кўз тутар халқ, бутун ўлка, алла,
Келажагим, орзум деб, алла.
Ўсиб, бурка уни гулга, алла,
Катта бўлгач, қарзим деб, алла.

Алла болам, шер экан, алла,
Уруш қурсин, дер экан, алла.
Уруш бўлган жойларда, алла,
Полвонлардан зўр экан, алла.
Тоғларни тешиб йўл қилсин, алла,
Душманларни кул қилсин, алла.

Болажоним бағримда, алла,
Эркалайман яйратиб, алла.
Ватанимнинг боғида, алла,
Булбул қушдек сайратиб, алла.

Кўчаларда ўйнаб юрсин, алла,
Мактабларда ўқиб келсин, алла.
Муллою мударрис бўлсин, алла,
Мартабаси улуғ бўлсин, алла.

Ҳали тонг отмагандир, алла,
Юлдузлар ботмагандир, алла.
Боғимдаги гул-ғунча, алла,
Ухлаб олсин тўйгунча, алла.

[Nigora Umarova]

Юқорида келтириб ўтилган алла қўшиқлари фольклоршунос олима Мунаввара Ёқуббекова томонидан тақдим этилди.
Мунаввара опанинг алла ҳақидаги Алла – сирли, сеҳрли қўшиқ (http://fikr.uz/posts/55.html) мақолалари билан қуйидаги саҳифада (http://fikr.uz/posts/55.html) танишишингиз мумкин.

[Nigora Umarova]

Ҳар куни "Ўзбекистон" радиоканалида соат 20-50да болажонлар учун "Бор экан-да, йўқ экан" эшиттириши бўлади. Эшиттиришда таниқли артистлар декламация қилиб ўқиган эртакдан сўнг, албатта, "Алла" қўшиғи ижро этилади.

[Kavsar]

Bu yerda allaning chiroyli namunalari bor ekan. Menda "Alla"ning Z. Boyhonova aytgan versiyasi bor ekan, (mp3) yaxshi kuylagan. Uni qo'ysa bo'ladimi shu yerga? Mavzuga fon bo'larmidi deb o'ylayapman..

Dunyodagi eng bexavotir, osuda joy bu - onaning mehr to'la bag'ri ekan.. :)

[Nigora Umarova]

Алла бўйича филология фанлари номзоди, Республика Алла уйининг раҳбари Мунаввара Ёқуббекова Алла қўшиғининг инглиз тилидаги матнини келтирибдилар. (http://fikr.uz/posts/243.html)

[BeK]

Zulayho Boyhonova - Alla.mp3
(http://www.dir.uz/ru/files/show/33898/zulaykho_boykhonova___alla.mp3.html)

[gofurov]

Habiba Oxunova -Alla.mp3 (http://www.dir.uz/ru/files/show/33899/habiba_oxunova___alla.mp3.html)

[Gulchehra Ibragimova]

А Л Л А
Юз ёруғим, бек болам, алла.
Парвоналар бўлайин, алла,
Кўз қароғим, чироғим, алла.
Гирёналар бўлайин, алла.

Сен онангнинг қояси алла,
Бошгинамнинг сояси алла,
Келажагим меваси алла,
Ширин тилнинг шеваси алла.

Борлиғим ҳам ўзингсан, алла,
Нуридийдам, кўзимсан, алла.
Момо Ҳаво меросим алла,
Хуш ҳулқлигим, чаросим, алла.

Ёргинамдан ёдгорим, алла,
Йигитларнинг сардори, алла,
Юрагида ори бор, алла,
Қаторида ори бор, алла.
..алла, алла-ё

[Colorado]

Бугун fikr.uz ни вараклаб …..,жавобсиз колган бир илтимосни бажаргим келди…
Инглиз тилида алла (колыбельная).

Twinkle, Twinkle Little Star

Twinkle, Twinkle Little Star
How I wonder what you are
Up above the world so high
Like a diamond in the sky
Twinkle, twinkle little star
How I wonder what you are

[Tulqin Eshbekov]

Дунёда қанча она бўлса, алланинг шунча сеҳру жозибаси бор! Аллаларимиз омон бўлсин!!

[albatros]

Alla...Sehrli va mehrga to'la, yuraklarni erituvchi va orom bag'ishlovchi ohang.Uning naqadar "mo'jizaviy kuch"ga to'la ekanligini his etish qiyin emas.Alla eshitib ulg'aygan har bir go'dak qalbida o'z OTA -ONASIGA, XALQIGA, VATANIGA MEHR degan buyuk tuyg'u bo'ladi.

[pipicron]

Уйғониб кетади бу олам,
Тўхтатмай тебратгин бешигинг,
Кетмагин, алла айт онажон
Очса ҳам жаннатлар эшигин.

Уйғониб кетмасин бу олам,
Гўдагинг жахолат кўрмаган.
Уйғотма, йўргагин очмагин,
Хали у уйқуга тўймаган.

Уйғониб кетади. Чунонам
Йиғлайди, тўймаган мехрга.
Бағрингга босиб тур эркалаб,
Овунтир оқ сутдек сехрга.

Уйғониб кетади қўрқувдан,
Ёлғизлаб қолмасин ҳаёли.
Елкасин уриб тур аллалаб,
Илитсин нафасинг шамоли.

Уйғониб кетмасин, алла айт,
Онасан, хаққинг йўқ жахлга.
Тебратиб сутин бер бешикда
Эс таниб киргунча аклга.

Уйғониб кетмасин бу олам,
Мудроқни енгиб тур бир нафас.
Кўз нуринг тутиб тур бешикда,
Шарпангни ҳис қилиб турса бас.

Онажон. Бир кун тин оларсан.
Аталган бир кун бор сенга ҳам.
Шунда ҳам тўхтатма бешигинг,
Уйғониб қолмасин бу олам.


Мавзудан чиккан булсам узр, лекин аллани согинганман...

[Colorado]

Мавзудан чиккан булсам узр, лекин аллани согинганман...
Мен сизнинг мухлисингизман, Алишер.

"Пари" алла туғрисида материал топиб беринг деб илтимос қилдилар. Мавзуни топдим, лекин mp3 ссылкалар очилмади.
керилиб, форумимизда хохлаган мавзуни топиш мумкин деб катта кетвордим, ёрдам беринглар, янгагиз олдида изза бўлмайин )))
так что хэлп, френд ва френдессалар

[Tulqin Eshbekov]

янгагиз олдида изза бўлмайин

Шу гапингиз қулоғимга алладек эшитилди! Қаранг-а, форумни муҳтарама янгамиз билан бирга ўқисангизлар!!! :)

[Colorado]

янгагиз олдида изза бўлмайин

Шу гапингиз қулоғимга алладек эшитилди! Қаранг-а, форумни муҳтарама янгамиз билан бирга ўқисангизлар!!! :)
салкам қириқ йилдан бери "алла"ларимни чидаб келадилар, форумда қатнашаллар, валекин фақат хэндмейд, кулинария мавуларини кузатишга вақтлари етади халос :120:

[Гўзал]

Ассаламу алайкум!
Эсимда, болалигимда онажоним бизга алла айтиб берар эдилар.. Жудаа бир маромда айтилган куй ва ёқимли овоздан ухлааааб қолар эдик.. Ҳозир ҳам онда-сонда "онажоооон, алла айтиб берииинг", деб тиззаларига бошимни қўйиб оламан.. :)

Алла

Алла айтай жоним болам, қулоқ солгин, алла,
Ширин аллам тинглам аста ухлаб қолгин, алла..

Юзларингга томган сувга ҳайрон бўлма, алла-ё,
Бахтимга сен катта бўлгин, хазон бўлма, алла..

Истиқболинг порлоқ сенинг, жажжигинам, алла-ё,
Бахтимга сен катта бўлгин, хазон бўлма, алла.

Севганимдан ёдгоримсан, кўзмунчоғим, алла-ё,
Мен шўрликдай тўкилмагин, кўрар кўзим, алла.

Баҳонада яна бир марта эшитдим :) Онажоним тилларидан ёзиб олинди. Шууу, қаерда эшитганмааан деб роса ўйладим.. Зулайҳо Бойхонова ижро этган экан.. Халқ сўзи ва мусиқаси..

[Nigora Umarova]

.. Зулайҳо Бойхонова ижро этган экан.. Халқ сўзи ва мусиқаси..

Сиз келтириб ўтган "Алла"ни илк бора Ҳабиба Охунова ижро этган. Ушбу қўшиқнинг Злайҳо Бойхонова, Гулбаҳор Эрқуловалар ҳам айнан шундай ижрода куйлашган.

[Mahmud Jurat]

Дунёда энг азиз ашула алла бўлса керак. Мен ҳам бир ижодкор сифатида бир неча аллалар ёзган эдим, кимгадир ёқиб қолиб ўз фарзандига айтиб берса хурсанд бўлар эдим. Менинг фарзандларим ва невараларим эшитган ушбу алла бошқаларга ҳам тинч уйқу ором олиб келсин деган умиддаман

АЛЛАЁ-АЛЛА

Қуёшинг тепангда порлар чақалоқ,
Шул Ватан сеники, келажак порлоқ,
Алпомиш авлодим аллаё алла.

Кўзимга жо эрур оталик меҳри,
Боболардан мерос бардошнинг сири,
Бардошим меваси аллаё, алла.

Боғда бир бодомдан олибман қиёс,
Боболар умридан умринг иқтибос,
Бобонгдай буюк бўл аллаё , алла.

Сен бугун Ватанга фарзанд бўлибсан,
Отанг алласига ҳамдард бўлибсан,
Ҳамдардим, полвоним, аллаё , алла.

Қарагин осмонда ой оқар сокин,
Момиқ тўшагингни елпийди эпкин,
Тинч ухла қароғим, аллаё, алла.

Даданг шеър битади аллалар айтиб,
Онанг уни куйлар завқидан жўшиб,
Жўшқин ишқ меваси аллаё , алла.

Ҳар бир қиёқларга экдилар чигит,
Тезроқ ўс полвоним, юртга бўл йигит,
Юрт кутар алп ўғлон аллаё алла.

Мана кўзларингга айланар уйқу,
Озод юрт сеники бизда йўқ қайғу,
Алпомиш авлоди аллаё, алла.

Тинч уйқунг бошида бўлайин посбон,
Тепангда мусаффо юлдузли осмон,
Фазогир наслисан аллаё, алла.

Кўзларинг юмақол қўчқор қароғим,
Мустақил Ватанда ёнган чироғим,
Чироқлар аслисан аллаё, алла.

Тинч уйқу бағрида кўраяпсан туш,
Онангни етаклар эртанги юмуш,
Эртамнинг эгаси аллаё, алла

Йигитнинг сараси аллаё, алла

Аллаё алла, аллаё алла.

[Billur]

Oyni olib beraymi?

Oyni olib beraymi, alla
Kunni olib beraymi, alla
Belanchaging boshiga, alla
Sara gullar teraymi alla…

Alla, deyin o’payin, alla
Qiyosingni topayin, alla
Tiling chiqib «non» desang
Kunda kulcha yopayin, alla

Oltin beshik oldiray, alla
Kumush beshik oldiray, alla
Beshigingni yasatib, alla
Baxmal to’shak soldiray alla.

Qizil gul novdasidan, alla
Kamar qilay belingga, alla
Sochlarim tolasidan, alla
Bog’ich qilay to’ningga, alla

Karnay chalib to’y beray, alla
Surnay chalib to’y beray, alla
O’g’iljonim to’yiga, alla
Uch-turt qo’ra qo’y beray alla

Alla aytsam, yayraysan, alla
Kulib-kulib qaraysan, alla
Polvon qilib ustirsam, alla
Bir kunimga yaraysan alla…

[Abdunabiyeva Aziza]

Alla...Sehrli va mehrga to'la, yuraklarni erituvchi va orom bag'ishlovchi ohang.Uning naqadar "mo'jizaviy kuch"ga to'la ekanligini his etish qiyin emas.Alla eshitib ulg'aygan har bir go'dak qalbida o'z OTA -ONASIGA, XALQIGA, VATANIGA MEHR degan buyuk tuyg'u bo'ladi.

To'g'ri aytasiz. Bugun yoshlarimiz alla aytmay qo'yishdi, bolalar allasiz ulg'ayishmoqda deb bir ustozim rosa jon kuydirib gapirgan edi. O'shanda ona bo'lganimda farzandimga aytaman deb bir qancha alla matnlarini yodlab ko'rganman. Ammo negadir erish tuyilardi, hech ayta olmasdim. Aytish qo'limdan kelmayotganini ko'rib, ustoz haq shekilli, nahot men ham alla ayta olmasam deb o'ylagandim. O'zim ona bo'lgach esa, haqiqiy alla ona bo'lganingizdan keyin, rostmanasiga qalbingizdan otilib chiqishiga amin bo'ldim. Xudoga shukur, farzandim alla bilan ulg'ayayapti.

[Billur]

Oq uzum, oppoq uzum, alla...

Oq uzum, oppoq uzum, alla,
Yoshiga yetdi qizim alla.
Yuzlarga kirsin gul yuzim, alla,
Erkalab o’stiray o’zim, alla.

U yonimga qo’yayin, alla,
Bu yonimga qo’yayin, alla.
Guldan shirin isingni, alla,
Hidlab-hidlab to’yayin, alla.

Qizil gul tizim-tizim, alla,
Ikkiga kirsin qizim, alla.
Qoshlari qunduzgina, alla
Muncha shir bu qizgina, alla.

O’smalar siqay qoshiga, alla
Do’ppilar tikay boshiga, alla,
Ipak bo’lib eshilsin, alla,
Kelin bo’lib qo’shilsin, alla.

Taxtiravon tizilsin, alla,
Kelin bo’lib suzilsin, alla.
Allalar aytib uxlatay oyimchani, alla,
Beshikka solib tebratay begimchani, alla

(Xalq allalaridan namuna)
Munavvara Yoqubbekova

[Billur]

Qantak o’rik donasi

Bolaginamning bolasi, alla,
Qantak o’rik donasi, alla,
Qanddan ham shirin ekan, alla,
Bolaginamning bolasi, alla.

Bog’da uzumning g’o’rasi, alla,
Tog’da kiyikning bolasi, alla,
Do’ppisidan ukki pari, alla,
Bu kimning nevarasi, alla.

Asaka yo’li to’p chinor, alla,
Bolalar otini qamchilar, alla,
Buvi degan tilingdan, alla,
Obi novvot tomchilar, alla.

Alla, alla ahdi bor, alla,
Yotadigan taxti bor, alla,
Otasi boru, onasi bor, alla,
Shu bolamning baxti bor, alla.

Oymoma yuzing, alla,
Yulduzlar ko’zing, alla,
Ota-onang gul bo’lsa, alla,
G’unchasi o’zing, alla.

Olmalardan beshigi, alla,
Olib qo’ysin otasi, alla,
Behilardan beshigi, alla,
Belab qo’ysin buvisi, alla.

Jiydalardan beshigi, alla,
Jerkimasin opasi, alla,
O’riklardan beshigi, alla,
O’ynatadi akasi, alla.

(Xalq allalaridan namuna)
Munavvara Yoqubbekova