Ўзбек халк шоири Хуршид Даврон веб-сайти

[Ska4ka]

http://khurshiddavron.wol.bz/1952.JPEG
Hurmatli do'stlar, sizning e'tiboringizga taniqli shoir va yozuvchi, O'zbekiston xalq shoiri Xurshid Davron sahifasini taqdim etmoqchiman: http://www.kh-davron.uz/
Saytda adibning asarlari, audiokitoblari hamda she'r tarjimalari bilan tanishish imkoniyatiga ega bo'lasiz.
Sayt bo'yicha fikrlaringizni kutib qolaman.

[Lutfillo Tursunov]

Hurmatli do'stlar, sizning e'tiboringizga taniqli shoir va yozuvchi, O'zbekiston xalq shoiri Xurshid Davron sahifasini taqdim etmoqchiman: http://www.kh-davron.uz/
Адибнинг аввалги сайтига қараганда анча яхши.

[Ska4ka]

Avvalgi saytlari bepul xostingda edi, shuning uchun ortiqcha bannerlarga to'la edi. Endilikda sayt pulli hostingda va hech qanday noo'rinsiz banner va reklamalar bilan to'ldirilmaydi.

[Bekmirzo]

Avvalgi saytlari bepul xostingda edi, shuning uchun ortiqcha bannerlarga to'la edi. Endilikda sayt pulli hostingda va hech qanday noo'rinsiz banner va reklamalar bilan to'ldirilmaydi.Xurshid aka bunaqa so'zni ko'rsa, tepa sochi tikka bo'ladi-ku... :)

[Ska4ka]

Kechirasiz xato qildim - noo'rin bo'lishi kerak.

[Ska4ka]

Hurnatli forum a'zolari,

saytimizni yangi tizimga - Vordpressga - o'tkazdik, endi har bir maqolaga izoh qoldirish mumkin. Saytimizda videoroliklar, yuklab olish uchun adib kitoblari va audiokitoblari sizning huzuringizga havola etmoqdamiz.

Bundan tashqari, adibning tvitteriga (http://twitter.com/kh_davron)yozilish imkoniyati paydo bo'ldi.

Savol va izohlaringiz bo'lsa javob berishga tayyormiz!

[Хаджи]

Яхши сайт. Лекин ХУршид Давроннинг расми унчалик чикмаган. Яна уртада.

[Ska4ka]

Izohingiz uchun rahmat.

Endilikda siz sayt xabarlariga yozilishingiz mumkin (http://feedburner.google.com/fb/a/mailverify?uri=kh_davron).

[Ska4ka]

Saytdagi kutubxona bo'limida (http://kh-davron.uz/cat/library) siz o'zbek, jahon, turkiy xalqlar, hamda tasavvuf adabiyotidan bahramand bo'lishingiz mumkin!

[Ska4ka]

Би-би-сида Ўзбекистон Халқ шоири, тарихчи ва публицист Хуршид Даврон билан суҳбат (http://www.bbc.co.uk/uzbek/interactivity/2012/07/120730_talkingpoint_khurshid_davron.shtml).

[Shahodat]

http://www.kh-davron.uz/ вирус бор деб ёзлган

[Ska4ka]

Яна бир бор кириб куринг, вирусга текшириб курдик, хеч нарса топилмади.

[Shahodat]

Яна бир бор кириб куринг, вирусга текшириб курдик, хеч нарса топилмади. Имеется информация, что эта веб-страница атакует компьютеры!
Имеется информация о том, что веб-страница www.kh-davron.uz используется для атак на компьютеры пользователей. В соответствии с вашими настройками безопасности она была заблокирована.
Веб-страницы, атакующие компьютеры, пытаются установить программное обеспечение, которое похищает персональную информацию, вредит вашей системе или использует ваш компьютер для атак на другие компьютеры. Некоторые страницы намеренно созданы для распространения вредоносного программного обеспечения, однако многие страницы были взломаны и делают это без ведома или разрешения своих владельцев.

[Ska4ka]

Bu Google Chromening natijalari bo'lsa kerak, menda ham shu dasturning oxirgi versiyasida hech qanday muammo ko'rsatmayapti. Hatto virustotal sayti orqali tekshiruvdan o'tqazdik/ Tekshiruv natijalariga (https://www.virustotal.com/url/09a985ee77a7a1274524fe9fc31517ac9ba02bafb401e58a02 701398e8dd7896/analysis/1344273191/) asosan nimagadir faqat Yandex virus bor deyapti. Qisqasi, heck qanday muammo bo'lmasligi uchun saytni wordpressning eng oxirgi versiyasigacha upgrade qildik. Qo'rqmasdan saytga kirish mumkin.

[Ska4ka]

Mavzudan chetga chiqmaslik uchun, saytda adibning BBC O'zbek xizmatiga bergan suhbatning matni, hamda audiotasmasi bilan tanishishingiz mumkin: Yurtimiz katta tafakkur, katta tamaddun vatani bo’lganini insonlarga yetkazishni istaganman. (To’liq nusxa) (http://kh-davron.uz/xurshid-davron-yurtimiz-katta-tafakkurkatta-tamaddun-vatani-bolganini-insonlarga-yetkazishni-istaganman.html)

[Ska4ka]

Xurshid Davron. Shavkat Rahmonga maktub (http://kh-davron.uz/xurshid-davron-shavkat-rahmonga-maktub.html) haqida BBC O'zbek xizmati saytida maqola chop etildi!

[barlos]

Xurshid Davron. Shavkat Rahmonga maktub haqida BBC O'zbek xizmati saytida maqola chop etildi!

Очиғи, бу сайтни анчадан бери кузатиб бораман. Ҳозирги кунда мен билан 16 нафар адибимизнинг веб-сайти мавжуд бўлса, уларнинг ичида энг қулайи, дизайн жиҳатидан сифатлиси албатта, Хуршид Давроннинг сайти ҳисобланади.
Атоқли адибимиз Абдулла Қодирий ҳақида ҳикоя қилувчи "Жинлар базми" романини шу сайтда мутолаа қилиб бормоқдамиз. Шунингдек, хорижлик ёзувчилар ижодидан таржималар ҳам жуда маъқул бўлмоқда.
Хоҳлардимки, бошқа ёзувчи ва шоирларимиз ҳам шундай сайтлар орқали ўз ижод намуналарини жойлаштириб боришса, биз ўқувчиларни баҳраманд этишса...

[Sparc]

" мен билан " = мен билган, булса керак.

[barlos]

булса керак

"бўлса керак" бўлса керак. :)

[Ska4ka]

2014 yil yanvar oyidagi madaniyat,san’at va adabiyot sohasida sanalar taqvimi:
http://kh-davron.uz/2014-yil-yanvar-oyidagi-madaniyatsanat-va-adabiyot-sohasida-sanalar-taqvimi.html

[Ska4ka]

Shu yilni yangi dizayn bilan kutib olmoqdamiz: www.kh-davron.uz

Bundan tashqari rus tilidagi saytimiz (http://greylib.align.ru/) ham ishga tushdi!

[ElyorTV]

Shu yilni yangi dizayn bilan kutib olmoqdamiz: www.kh-davron.uz

Сайтни мунтазам кузатиб бораман. Веб ижодга омад. :)

[Nigora Umarova]

Bizlar juda aqllimiz,
Ming o'lchab,bir kesamiz.
Yashasin,deb,xalqimiz,
Mansablarda o'samiz.

Bizlar juda aqllimiz,
Qiynalmaymiz dil titib,
Cho'milmaymiz daryolarda
Cho'kib ketish mumkin, deb.

'Uzilganda yashil yaproq,
Titrama,evini qil,
Hayajondan bo'l,- der,- yiroq' -
Oq xalat kiygan aql.

Bizlar juda aqllimiz,
Ba'zan kun-tun o'ylaymiz,
'Bu buyumni qayga qo'ysak
Go'zal bo'lar uyimiz'.

Garchi kutar,qalbda o'kinch
Olislarda onamiz.
Qo'msamaymiz - chunki sog'inch
Egovlaydi umrimiz.

'Sog'inibdi?! . O'tar-ketar,
Bir kun borib kelamiz'.
Boshqa ishga qo'l uramiz,
Chunki biz aqllimiz.

Oydek toza qizni sevib,
Termilib gul yuziga,
Keyin esa uylanamiz
Amaldorning qiziga.

Raqibga tig' bilan chiqmoq -
Dahshat!
Nima qilamiz?!
Axir bizlar aqllimiz,
Makr bilan yanchamiz.

...Bir kun o'lsak,ustimizga
Ulkan toshni qo'yishar
Va albatta o'sha toshga
Aqlli so'z o'yishar.

Xurshid Davron

[Nigora Umarova]

ШОИРНИНГ ОНАСИ

Она келиб олис қишлоқдан
Ўғли билан яшай бошлади
Ва дастурхон ёзилган чоқда
Ширмой ноннинг четин тишлади.

Ювиб берди бир бозор кирни,
Сувлар қуйди сўлган гулларга.
Неваралар боғчадан қайтгач,
Эртак айтиб берди уларга.

Аммо, тунлар, хона бурчида
Суйган ўғли пичир-пичирлаб
Шеър ёзган пайт тутун ичида
Ўтирарди юрак ҳовучлаб,

Ўтирарди хавотир билан,
Қўрқар эди нафас олишга.
Хуррак тортиб қўймайин дея
Бош қўярди тонгда болишга.

Аммо бир кун мазаси қочиб,
Кўз олдида ёруғлик сўнди.
Қўлларидан тушиб кетди-ю,
Чил-чил бўлиб пиёла синди.

Ўша заҳот ҳушига қайтди,
Чайқаларди ўнгида олам.
У югуриб чиққан ўғлига
Шивирлади: «Кетайми, болам?»

Хуршид Даврон

[Nigora Umarova]

БОЛАЛИК

Тунлари осмонга тикилар,аммо
Юлдузсиздир, ойсиздир само.

Баҳорда кўрмайди атиргулларни,
Эшитмас сайраган маст булбулларни

Деразани ювган ёмғирни кўрмас,
Ҳолбуки соппа-соғ, кўзлари кўрмас.

Оёғи остида қор ғижирламас,
Уйин айвонида қуш ғужирламас.

На шивир, на пичир, на ун, на титроқ —
Унинг юрагига солар қалдироқ.

Кўксини пайпаслар фақат дамба-дам
Қалбини болалик тарк этган одам.

Хуршид Даврон

[Nigora Umarova]

ДЎСТИМ ИНДАМАЙДИ

Дўстим индамайди
Соатлаб дардларим айтаман унга

Тонг кетар оқшом кетар
Оқ қорага қора оққа айланаверар
Кузда баҳор келар
Дўстим индамайди

Кузда чечакларнинг ёзда сувларнинг
Қишда чучмомалар эртагин айтдим
Дўстим индамайди

Булутлар ортидан термилиб айтдим
Заъфар хазонларга кўмилиб айтдим
Дўстим индамайди

Дарди кўп дўстимнинг
Индамайди

Хуршид Даврон , 2012,ноябрь

[Nigora Umarova]

ВОҚИФ САМАД ЎҒЛИ ХОТИРАСИГА

Аллоҳим,
Гуноҳим кўп
Жудаям кўп гуноҳим

Аллоҳим
Гуноҳимдан ўт демайман
Қўрққаним
дўзахдаги ўт демайман

Аллоҳим
Гуноҳим кўп
Юришар ошга бораётган
Одамлардай тўп-тўп.

Аллоҳим
Гуноҳим кўп
Сўрамайман:
Эй меҳрибон
Сен уларни даф айлагин.

Сўрагайман:
эй Аллоҳим
Гуноҳимда
Бошқаларнинг айби бўлса
Сен уларни авф айлагин…

Хуршид Даврон , январь, 2015

[Nigora Umarova]

«Хуршид!» деб чақираман ёлғизлик тунида.
Ҳеч ким жавоб бермаслигини билсам-да,
чақиравераман, чақиравераман…

* * *

Болаликдан бир орзум бор
Юзи оп-поқ
Ҳеч кимга айтилмаган
Мени асло тарк этмаган
Бир орзум бор юрагимда
Кўзлари ўйчан

Денгиз ёқасида яшасам
Хилват соҳилида уйим бўлса
Деразалари очиқ турса

Равоғида заъфар тилларанг
Қоғоз билан ўралган сопол тувакда
Ям-яшил япроқли бинафшанинг
Сиёҳранг гуллари
Менга тикилиб турган кўзлари билан
Денгиз соҳилида яшасам

* * *

Бу мамлакатда
шивирласанг бас
Ҳамма эшитар
Шундай сокин бу мамлакат

Йиғласанг
Елкаси силкина бошлайди
Овозини чиқармас бу мамлакат

Хуршид Даврон , январь, 2015

[Nigora Umarova]

Кетар чоғингда
Дунёга «Хайр!» дейишни унутма
«Раҳмат!» дейишни унутма

«Хайр!» дейишни унутма
Болалик кунларингга
Муҳаббат тунларига
Тўрт томонга
Яхши-ёмонга
Туз билан нонга
Мовий осмонга
Онанг қучган бешикка
Ҳар бир очиқ эшикка
Олисдаги тоғларга
Яшил қирмиз заъфар боғларга
Ялпизларга
Қалдирғочларга
Чумолиларга
Атиргулларга
«Хайр!» дейишни унутма
«Раҳмат!» дейишни унутма

Хуршид Даврон , январь, 2015

[Nigora Umarova]

ҚАЙҒУМ МАНИМ

Қайғум маним,
бир умрлик жўрам маним
Юрагимнинг ич-ичида ҳужрам маним
Ойнасидан ойнинг нури тушиб турган
Қафасдаги булбулдайин учиб юрган
Қайғум маним

Қайғум маним
Туғилмишдан соямдайин ёнимдасан
Ҳар дам маним жонимдасан қонимдасан
Йиллар ойлар кунлариму онимдасан
Қайғум маним

Қайғум маним
Онам тўккан кўз ёшларда кўрдим сени
Мозорининг бошларида кўрдим сени
Юрагимни тилиб-тилиб муз тиғларинг
Қўшилишиб “Онам” дея сен йиғладинг
Қайғум маним

Қайғум маним
Унутайин десам кимни исмин айтдинг
Тарк этайин деганимни олиб қайтдинг
Ёнимдасан издиҳому ёлғиз пайтим
Қайғум маним

Қайғум маним
Болалигим ташлаб кетди сен кетмадинг
Илк севги шодликларим унутмадинг
Бамисоли кузакдаги баргихазон
Бамисоли қорлардаги субҳи азон
Қайғум маним

Қайғум маним
Мусичадай деразамда қўниб турган
Онамдайин ҳамма гапга кўниб турган
Айни саҳар шамчироқдай сўниб турган
Юрагимга шабнамдайин иниб турган
Қайғум маним.

Қайғум маним
Умрим бўйи хайр демай салом демай
Бўлди етар энди бари тамом демай
Тўйларимда бирон марта нон туз емай
Отамдайин қараб турган бир сўз демай
Қайғум маним

Қайғум маним
Қайғум маним
Қайғум маним
Йиллар кетар ойлар кетар қарамайсан
Белим букик сочим оқ сен қаримайсан
Кунларимни сармаст этган қари майсан
Қайғум маним

Қайғум маним
Қайғум маним
Қайғум маним
Бир кун келар ҳаётимнинг гули сўлар
Мозоримнинг дунёдай кенг бағри тўлар
Юрагимдан униб чиқиб чечак бўлар
Қайғум маним
Қайғум маним
Қайғум маним

Хуршид Даврон

[Nigora Umarova]

ШОИР

Бекор гап: шоирни жангчи атамоқ,
У ёлғиз одамнинг сўнгги алами.
Шоир – бу очуннинг капалак мисол
Энг чиройли ва энг ожиз одами.

ҚИСМАТ

Ҳамма қилган ишни қилмайман
Ҳамма йиғласа йиғламайман
Ҳамма кулса кулмайман деди
Ҳамма билганини билмайман деди

Ҳамма ҳа деса мен йўқ дейман
Ҳамма ош еса мен мош ейман
Ҳамма оёқ деса мен бош дейман деди.

Аммо худонинг айтгани бўлди
Бари бир ҳамма қилган ишни қилди

Ўлди

Хуршид Даврон

[Nigora Umarova]

САМАРҚАНД

Бир шивир мисоли Самарқанд
Бисмиллоҳ каби ложувард

Юлдузлар остида дунёнинг
Энг гўзал аёли мисоли
Соғинчим тимсоли
Сочлари шамолда ёйилган
Навбаҳор тоширган Ёйиқдай
Симобий либосга ўранган
Темур эркалашларига ўрганган
Улуғбек қонидай сочилган
Қизғалдоқлардай очилган
Юлдузлар остида дунёнинг
Энг гўзал аёли мисоли
Дунёнинг энг гўзал шеърини
Болалик чоғимда қучоқлаб
онамдай эркалаб шивирлар
Самарқанд Самарқанд Самарқанд

Бир шивир мисоли мунгли дард
Бисмиллоҳ мисоли ложувард

Хуршид Даврон

[Nigora Umarova]

БИЗ БИЛАН

Жасорат туйғуси ёнида
Қўрқувнинг нафаси биз билан
Ложувард осмонни тўлдирган
Қушларнинг қафаси биз билан

Биз билан боболар армони
Ҳадикнинг ҳассаси биз билан
Юртим деб жон берган ботирлар
Боболар қиссаси биз билан

Алпомиш Гўрўғли келбати
Ватан деб ўлмоқлик навбати
Ялавоч бўлмоқлик навбати
Хиёнат шарпаси биз билан

Ой чиқар мозорлар устига
Кун чиқар бозорлар устига
Боқармиз ҳеч нима сезмасдан
Ҳаётнинг ғуссаси биз билан

Хуршид Даврон

[Nigora Umarova]

БИНАФША

Бинафша мени чақирди
Қор эриган боғча четидан
Кимнидир чақирди
Юрагимнинг ичидан

Кел деди бинафша
Кул деди бинафша
Кўкарган боғча ичидан

Сен келмасанг
Сен кулмасанг
Мен сўламан деди бинафша

Кар кўрмисан
Гар кўрмасанг
Мен ўламан деди бинафша

Ай жоним бинафша
Юрагимнинг ҳовучида
Ҳаяжоним бинафша

Сўлаётир боғча четида
Кўру кар
Сақову гунг
Ёлғизликнинг ичида

Хуршид Даврон , 2015

[Nigora Umarova]

ЧУНКИ

Бу бола Машрабнимас,
Нитшени севар.
«Улисс»ни ўқийди,
Чунки
«Ўтган кунлар»
Ўтган кунлар дейди.

Мактабда дарс берган
Акасининг жаҳли чиқади,
Чунки у
Нитшени билмас,
«Ўтган кунлар»ни
Кинода кўрган.

Кекса ота анграйиб қарайди
Икки ўғлига,
Чунки у
Нитшениям,
Қодирийниям
ўқиган эмас.

Хуршид Даврон

[Nigora Umarova]

МУТОЛАА

Бу китоб мени узоқ ўқиди,
Ишонмасдан,
Қайта–қайта ўқиди.
Тўхтаб, бошқа ишга чалғимай,
Синчиклаб ўқиди.

Кейин секин четга қўйиб,
Йиғлаб юборди…

Хуршид Даврон

[Nigora Umarova]

Бугун Ўзбекистон халқ шоири Хуршид Даврон таваллуд топган кун!
Шеър ёзувчи айрим ижодкорлар шеър ёзишда фақат ҳис-туйғугагина эмас, бир сўз ортида бир неча маъно ётувчи кучли мантиққа Сиз каби ёндошишса, замонавий ўзбек шеъриятимиз яна-да, нурли бўларди.
Ўзбек адабиётимизнинг барча севувчи мухлислари ва оила аъзоларингиз бахтига доим омон бўлиб юрсинлар!

https://img.uforum.uz/images/mscvimp699475.jpg

Навоийшунос олим Иброҳим Ҳаққул ва Хуршид Даврон

[Nigora Umarova]

АЛИШEР НАВОИЙ

Қўлга қалам олган олис кун,
Шеър ёзишни бошлаган ондан,
Қабрингизга бош эгмоқ учун
Боргим келар Ўзбекистондан.

Самарқанддан чиқсам мен йўлга
Қуёш уфқда ҳали қизармай,
Суҳбатимиз қизисин дея
Олай бобом чордоғидан май.

Чиқсам шаҳар бағридан сўнгги
Хазонларни босиб бирма-бир
Ва кузатсин кун нури сингиб
Чарақлаган мовий Гўри Мир.

Кечиб ўтсам Амударёни
Ҳилол билан бирга баробар,
Кечиб ўтсам қадим дунёни
Ва Ҳиротга кирсам тонготар…

У ёғини қилмам тасаввур,
Йиғи қисар кўксимни бирам,
Яшаяпман қабрингиз бир қур
Кўриб ўлмоқ нияти билан

Ва сиёҳи қуриб битмаган
Шеърларимга туриб юзма-юз,
Ҳар кун тунда йўлга чиқаман,
Ҳар кун тонгда қайтаман маъюс…

Хуршид Даврон

[Nigora Umarova]

НАВОИЙ ҚАБРИ

Ҳирот шаҳристони
Узра балқиб тонг,
Шуурга тўлганда чорбоғу даштлар,
Нураб ётган ғариб
Қадим мақбара
Эшигидан кирди икки ёш аскар.

Елкаларда милтиқ
Осилган эди,
Бири ўзбек эди,бошқаси афғон.
Тинч эди,сарин ел
Гулбўйли эди,
Хатарни сезгандек қизир эди қон.

Ёш афғон аскари
Қабртош узра
Бир дам бошин эгиб хаёлга ботар,
Сўнг айтар аста шивирлар
Бир алам билан:
"Бу мақбарда ҳазрат Навоий ётар…"

Бу сўзни эшитган ўзбек боласи
Вужудида ногоҳ қўзғалар титроқ:
Бирдан кўз ўнгидан ‘ярқъ этиб ўтди
Олисларда қолган қадрдон тупроқ.

У узоқ ўтирди мақбар қошида,
Ўз-ўзидан аста намланди кўзи,
Армонлар бор эди кўзин ёшида,
Тилига югурди дилининг сўзи:

"Бобожон,наҳотки,шунда ётибсан?
Агар шундай бўлса,берақол садо.
Бу ерга Амудан ўтиб келганман,
Байналмилал бурчим этай деб адо.

Сенинг хокинг ётган бу бадбахт юртга
Қўлда милтиқ ушлаб мен кириб келдим,
Икки йил жанг қилиб,
Фақат шу бугун
Сенинг бу тупроқда ётганинг билдим.

Кўзим кўр,дилим кўр,
Тилим кесилган,
Сенинг неварангман, сенинг болангман.
Бобожон, билганим исму шарифинг,
Бошқа ҳеч нимани яхши билмайман.

Гарчи мен туғилган юрт шоирлари
Сенинг номинг билан ичурлар қасам,
Мен қандай ишонай улар сўзига
Сенинг юрагингни агар билмасам.

Билсам,келармидим,ахир,бобожон,
Сен ётган тупроққа милтиқ,тиғ ушлаб…"
Ёш ўзбек ўглони сўзларди нолон,
Аламу ҳасратдан лабини тишлаб.

У узоқ бўзлади чорасиз дарддан,
У узоқ сўзлади бўлганча адо.
Аммо,тонг сукутин бузиб қабрдан
Бари бир чиқмади бирон бир садо…

Хуршид Даврон